Push Admin

ALAMIN: Paano malalabanan ang stress sa trabaho?

Article (news)

ABS-CBN News

<p>Madalas na nakakaranas ng stress ang mga manggagawa dahil sa kanilang trabaho o sa kanilang mga boss.</p><p>Sa panayam sa DZMM, ipinaliwanag ni Dr. Regina Hechanova ng Ateneo de Manila University (ADMU) na madalas na pagmulan ng stress ng mga empleyado ang matinding trapik, ang kanilang mga boss o amo, at ang kanila mismong mga trabaho.</p><p>Karaniwan umanong nakakaranas ng stress ang mga empleyadong hindi makasundo ang kanilang mga boss, gayundin ang mga madalas na nag-oovertime dahil sa tambak ng trabaho.</p><p>Payo ni Hechanova, makipag-usap sa mga kapwa empleyado o sa human resources officer upang ipagbigay alam ang mga problemang ito.</p><p>&quot;Meron namang maaring gawin pero ang importante, makipag-usap,&quot; aniya.</p><p>Marami na rin umanong mga kumpanya na may mga programa para makatulong sa mga empleyado na mabawasan ang stress sa trabaho.</p><p>Bagama&#x27;t normal lamang na ma-stress ang isang tao, hindi na ito maganda kung nakakaapekto na ito sa trabaho.</p><p>&quot;Nagdi-dip &#x27;yung productivity o napapabayaan niya &#x27;yung kanyang responsibilidad sa sarili o sa trabaho,&quot; ani Hechanova.</p><p>Paano mababawasan ang stress? Narito ang mga payo ni Hechanova.</p><div><strong>1. Makipag-usap</strong></div><p>Mainam na makipag-usap sa mga katrabaho o kaibigan upang mailabas ang mga saloobin.</p><p>&quot;Kasi maraming tao, kinikimkim &#x27;yung stress. Eh lalo tayong magkakasakit kung ganun,&quot; ani Hechanova.</p><p>Maari ring makipag-usap sa mga psychologist o psychiatrist kung kinakailangan.</p><div><strong>2. Mag-ehersisyo</strong></div><p>Ayon kay Hechanova, magandang outlet ng stress ang pag-eehersisyo.</p><p>&quot;Ang exercise kasi nagpo-produce ng chemical na endorphin that makes us happy,&quot; aniya.</p><div><strong>3. Alagaan ang sarili</strong></div><p>Bukod sa pag-eehersisyo, nakakatulong rin ang pagkain ng masusustansyang pagkain at pagkakaroon ng sapat na tulog para mabawasan ang stress.</p><div><strong>4. Pahinga at recreation</strong></div><p>Mainam rin na gawin ang mga bagay na nagpapasaya sa iyo, maging ito ay pagsa-shopping, panonood ng sine, o kaya ay isang hobby.</p><div><strong>5. Quiet time</strong></div><p>Dagdag pa ni Hechanova, nakakatulong rin ang pagdarasal o pag-memeditate para mabawasan ang stress.</p>

<p>Madalas na nakakaranas ng stress ang mga manggagawa dahil sa kanilang trabaho o sa kanilang mga boss.</p>

Madalas na nakakaranas ng stress ang mga manggagawa dahil sa kanilang trabaho o sa kanilang mga boss.