RECIPE: Kalderobo o pinaghalong adobo at kaldereta

Watch more in iWantv or TFC.tv

Hindi ka ba makapili kung adobo o kaldereta ang uulamin ngayong araw?

Maaari mong pagsamahin ang dalawang putahe para maluto ang kalderobo.

Bumisita sa "Umagang Kay Ganda" noong Martes ang guest kusinero na si Joel Ramos para ibahagi ang 2-in-1 na putaheng ito.

Narito ang mga sangkap:
• 1/2 kilong liempo
• 1/4 tasang toyo
• 1/8 tasang suka
• 3 dahon ng laurel
• 1/2 kutsarang paminta durog
• 8 butil ng bawang
• 1 sibuyas na pula
• 1 bell pepper pula
• 1 bell pepper berde
• 2 kutsaritang peanut butter
• 1/4 tasang gata
• 2 labuyo
• Carrots
• 1 patatas
• 1/4 liver spread
• 1 tasa pork stock
• 3 kutsaritang mantika

Paraan ng pagluluto

Ihanda muna ang adobo

Igisa ang bawang at sibuyas, ilagay ang liempo; lutuin hanggang magkulay brown.

Lagyan ng suka at pakuluin ng 3 minuto

Ilagay ang pork stock at toyo, saka ilagay ang laurel at paminta.

Kalderobo

Sa ibang kawali ay maggisa ng bawang, sibuyas at bell pepper. Ilagay ang nilutong adobo at lagyan ng gata.

Pakuluan sa loob ng 5 minuto.

Ilagay ang liver spread at peanut butter.

Matapos pakuluan ng 5 minuto, ilagay na ang iprinitong patatas, carrots at labuyo.

Haluin hanggang sa maluto.

Maaari nang ihain ang kalderobo.