Push Admin

Pagiging 'ander de saya' ni mister, susi sa masayang pagsasama?

Article (news)

ABS-CBN News

<figure class="op-interactive"><div id="IVS_ABS_Video_Widget_1_Container"><ivs-player id="IVS_ABS_Video_Widget_1" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Maituturing na isang uri ng kompromiso sa pagitan ng mag-asawa ang pagiging &quot;ander de saya&quot; ni mister, ayon sa mag-asawang motivational speaker.</p><p>Ander the saya o &quot;under the saya&quot; ang naging kolokyal na bansag sa mga lalaking takot o labis na masunurin sa kagustuhan ng kanilang misis.</p><p>Nagmimistulang nakapailalim kasi ang mister sa saya o iyong bestida ng kaniyang maybahay.</p><p>Sa programang &quot;Sakto&quot; ng DZMM, nagbahagi ng pananaw ang mag-asawang Vic at Avelynn Garcia kung ano&#x27;ng ambag sa relasyon ng pagiging &quot;ander de saya.&quot;</p><p>&quot;Sa mga ander, tinanggap n&#x27;yong ander, pinili niyo iyon,&quot; sabi ni Vic. &quot;Kumbaga parang ang punto mo, ito ang [magbibigay] ng kapayapaan sa aming pamilya.&quot;</p><p>Pero ayon kay Vic, nagiging delikado ang pagiging ander kapag nahihirapan o kaya&#x27;y nagtatanim na ng sama ng loob ang mister.</p><p>&quot;Sa mga taong tingin n&#x27;yong ina-ander ka at hirap na hirap ka na, at bibigay ka na, delikado &#x27;yon,&quot; ani Vic.</p><p>Kapag daw umabot sa puntong iyon, mainam kung magtutungo ang mag-asawa sa isang marriage counselor.</p><p>Ayon kina Vic at Avelynn, na nagbibigay rin ng counseling sa mga mag-asawa, mahalagang malinaw kung sino sa pagitan ng mag-asawa ang mas nasusunod.</p><p>&quot;You cannot have one kingdom with two kings, &#x27;yon &#x27;yong magiging problema &#x27;pag medyo hindi malinaw who&#x27;s in authority,&quot; ani Vic.</p><p>Pero kapag nagdedesisyon umano ang mas nasusunod ay dapat isaalang-alang din nito ang nais ng kaniyang asawa.</p><p>Kapag malinaw sa mag-asawa kung sino ang nasusunod at may mga bagay pa ring hindi nila mapagkasunduan, mainam kung pag-uusapan ito nang masinsinan.</p><p>Dagdag pa ng mag-asawang Garcia, mahalagang naibibigay ng mag-asawa ang pangangailangan ng kanilang kapareha.</p><p>Anila, pagmamahal ang nangungunang pangangailangan ng mga misis habang respeto naman ang hangad ng mga mister.</p><p>Karaniwang nagiging sanhi ng away sa pagitan ng mag-asawa ay kapag hindi nararamdaman ng babae ang pagmamahal ng kaniyang mister at kung di rin naman nadarama ni mister na inirerespeto siya ng kaniyang maybahay.</p><div><br/><strong>Samantala, mapapanood sina Vic at Avelynn Garcia sa programang &quot;Tulong Ko Pasa Mo&quot; tuwing Linggo, alas-11 ng umaga hanggang alas-12 ng tanghali sa DZMM Teleradyo.</strong></div>

<p>Mas masaya nga ba ang mga pagsasama ng mag-asawa kung si mister ay "masunurin" kay misis?</p>

Mas masaya nga ba ang mga pagsasama ng mag-asawa kung si mister ay "masunurin" kay misis?