Watch more in iWantv or TFC.tv

Patok at tiyak na hindi mawawala sa mga handaan at okasyon ang putaheng kaldereta.

Isa kasi ito sa mga ulam na kapag tama ang pagkaluto ay tila lalong sumasarap habang tumatagal.

Iba't ibang bersiyon na rin ang nagsilabasan para sa recipe nito pero kakaiba ang ginawa ng guest kusinerong si Chef Luisa Rodriguez.

Sa programang "Umagang Kay Ganda" ay itinuro ni Chef Luisa kung papaano gawin ang kaniyang beef kaldereta with peanut butter dish.

Upang simulan ang paggawa sa beef kaldereta with peanut butter, ihanda ang mga sumusunod na sangkap:

• 1/2 kilo ng brisket beef
• 1 green bell pepper
• 1 red bell pepper
• 1/4 tasa ng black olives
• 1/4 tasa ng greenpeas
• 1/2 lata ng liverspread
• 1 tasa ng tomato sauce
• 1/8 tasa ng tomato paste
• 1/4 tasa ng peanut butter
• 1-2 tasa ng tubig o beef stock
• Siling labuyo
• Dahon ng laurel
• Bawang
• Carrots
• Sibuyas
• 2 pirasong patatas
• Patis
• Toyo
• Asin
• Keso
• Pamintang durog
• Mantika

Ibabad ang hiniwang baka sa toyo at pamintang durog sa loob ng 30 minuto.

Maggisa ng bawang at sibuyas. Iprito dito ang ibinabad na karne.

Ihalo ang liver spread.

Isunod ang patis, tomato paste at tomato sauce

Lagyan ito ng tubig o beef stock bilang ito ang magpapalambot sa baka.

Isama na ang carrots, patatas, at laurel.

Isunod ang mga bell pepper.

Pakuluan ng 20 minuto.

Ilagay ang olives, sili, keso, at peanut butter.

Pakuluan muli ang 20 minuto hanggang tuluyang lumambot ang mga sangkap

Ihuli ang greenpeas.