Push Admin

ALAMIN: Bakit madalas ang sore eyes tuwing tag-init

Article (news)

ABS-CBN News

Bakit nga ba mas madalas nagkakaroon ng sore eyes tuwing mainit ang panahon?Paliwanag ng opthalmologist na si Roland Joseph Tan, mabilis kumalat ang virus ng sore eyes tuwing mainit.&quot;Yung init mas mapapabilis ang pagdami ng virus ng sore eyes,&quot; paliwanag niya sa &quot;Good Vibes&quot; sa DZMM.Kaakibat din nito aniya ang hindi paglalagay ng chlorine nang maayos sa mga swimming pool, lalo’t nilalagay ang sangkap para matanggal ang samu’t saring dumi at virus na maaaring nahalo sa tubig nito.Ilan sa sintomas ng sore eyes ang pagmumuta, matinding pangangati, at pamumula sa mata.Pero nilinaw ni Tan na buong taon maaaring makuha ang karamdaman at maaari itong makuha kung hindi mag-iingat ang mga mayroon na nito.<div>PAANO MAIIWASAN ANG PAGKAHAWA?</div>Maaaring kumalat ang sakit kapag may nahahawakang kagamitan ang isang may sore eyes. Pero ayon kay Tan, may mga paraan para maiwasan ang pagkalat nito.Kung may sore eyes at kailangang magpunas ng kamay ay maaari na lang daw gumamit ng tissue imbes na towel para hindi makahawa sa susunod na gagamit.&quot;Normally contact, either irritated so hawak siya nang hawak kaya humawak siya sa tuwalya o kaya sa doorknob o hinawakan siya... madaling kumalat,&quot; aniya.Kung kinakailangan naman daw na may contact sa trabaho o kaya sa paaralan ay mainam na aniyang magliban dito.Kusang nawawala ang sore eyes nang hindi nagpapagamot. Pero ayon kay Tan dapat nang magpa-check up kung tingin ng pasyente na lumalala ang pamamaga sa kaniyang mata.&quot;Normally ang viral infection nagla-last lang ng four to seven days. Pero kung tingin mo na nagwo-worsen pa, or kumakapal &#x27;yung pagmumuta, or nanlalabo &#x27;yung paningin this can indicate that it&#x27;s not just viral,&quot; aniya.

Bakit nga ba mas madalas nagkakaroon ng sore eyes tuwing mainit ang panahon?