Push Admin

Single dad na jeepney operator, proud sa anak na pumasa sa Bar exam

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Nagpagawa ng tarpaulin ang single father at jeepney operator na si Renato Baysa para sa kaniyang anak na pumasa kamakailan sa Bar Exam. Retrato mula kay Lynk Juren Baysa" src="https://sa.kapamilya.com/absnews/abscbnnews/media/2022/life/04/14/20220414-bar1.jpg"/><figcaption>Nagpagawa ng tarpaulin ang single father at jeepney operator na si Renato Baysa para sa kaniyang anak na pumasa kamakailan sa Bar Exam. <em>Retrato mula kay Lynk Juren Baysa</em></figcaption></figure></div><p>Ipinagmalaki ng isang single dad ang mula Barangay Pulang Lupa Dos, Las Piñas City ang kaniyang 28 anyos na anak matapos itong makapasa sa Bar exam kamakailan.</p><p>Sa sobrang pagka-proud ni Renato Baysa, nagpagawa pa ito ng tarpaulin para sa anak na si Lynk Juren, na isinabit sa puno ng kanilang bahay.</p><p>Nakasulat sa tarpaulin: &quot;Congratulations! From: Daddy, the single parent who sacrificed everything for your good. I am proud of you.&quot;</p><p>Ayon kay Renato, isang linggo bago ilabas ang resulta ng Bar exam ay nakahanda na ang tarpaulin.</p><p>Nang malaman ng anak noong Martes na nakapasa ito ay agad na niya umano itong isinabit.</p><p>Nagulat na lamang si Lynk nang makauwi siya galing trabaho na may nakasabit nang tarpaulin para sa kanya. </p><p>&quot;Natutuwa sa kaniya kasi siyempre &#x27;yung pangaral ko sa kanila ay hindi nila ako binigyan ng problema,&quot; ani Renato.</p><p>Pangalawa si Lynk Juren sa tatlong magkakapatid.</p><p>Ikinuwento ni Renato na hindi biro ang kanyang pinagdaanan para maitaguyod ang kanilang buhay na mag-aama.</p><p>Siyam na taon umanong nagtrabaho sa Japan si Renato at nang umuwi sa Pilipinas noong 2002, bigla silang iniwan ng kaniyang misis.</p><p>Siya na ang nag-iisang bumuhay sa kanyang mga anak, una bilang mekaniko ng mga sasakyan hanggang sa naging operator ng mga pampasaherong jeep.</p><p>&quot;Mula noong mga bata sila ay sinasabi ko sa kanila na mag-aral silang mabuti dahil wala akong maipapamana sa kanila kung hindi &#x27;yung aral lang nila,&quot; anang ama.</p><div class="embed-wrap"><figure data-feedback="fb:likes,fb:comments"><img alt="Retrato mula kay Lynk Juren Baysa" src="https://sa.kapamilya.com/absnews/abscbnnews/media/2022/life/04/14/20220414-bar2.jpg"/><figcaption><em>Retrato mula kay Lynk Juren Baysa</em></figcaption></figure></div><p>Sobrang nagpapasalamat si Lynk sa sorpresa at sa mga sakrispisyo ng kaniyang tatay para sa kanilang magkakapatid. </p><p>&quot;Nagpapasalamat po ako sa tatay ko na hindi po kami iniwan at nagsakripisyo po siya na kahit nagsimula kami sa wala noong umuwi siya ay hindi siya sumuko sa amin,&quot; ani Lynk.</p><p>&quot;Lagi niyang sinasabi na mangarap kayo na makapagtapos dahil &#x27;yon lamang daw po ang magandang maiiwan niya po sa amin,&quot; dagdag ng bagong abogado.</p><p>Nagtapos sa Arellano University School of Law si Lynk at kasalukuyan nagta-trabaho sa Court Management Office sa Office of the Court Administrator ng Korte Suprema.</p><div><strong>— Ulat ni Grace Alba</strong></div><div><strong>RELATED VIDEO</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1998532" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Ipinagmalaki ng isang single dad ang mula Las Piñas City ang kaniyang 28 anyos na anak matapos itong makapasa sa Bar exam kamakailan.