Push Admin

Pagkain, milk tea na may 'personal message' hatid sa frontliners sa Cavite, Taguig, Marikina

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2020/news/04/16/milktea-food.jpg"/><figcaption>Sinusulatan din nila ang bawat cup ng milk tea ng mga mensahe, bilang personal na pasasalamat sa frontliners. Photos courtesy: Arwin Villafuerte</figcaption></figure></div>Nagsanib-puwersa ang isang milk tea store at isang restoran sa Dasmarinas City, Cavite para mamigay ng mga milk tea at pagkain sa mga frontliners sa Cavite, Taguig, at Marikina. Ramdam ng young entrepreneurs na sina Julius Mallari at Arwin Villafuerte ang araw-araw na dinaranas ng mga frontliner na nakikipaglaban sa coronavirus disease 2019 (COVID-19). Kaya para makatulong na maibsan ito, namahagi sila ng milk tea mula sa kanilang shop sa siyudad at nakipagtulungan sa isang restoran para mamahagi ng pagkain. Apat na ospital sa Cavite at Taguig ang hinatiran nila ng tulong. Bukod dito, nagbigay rin sila ng libreng milk tea sa ilang basurero at pump attendant. Nabigyan din nila ang ilang gumagawa ng COVID-19 test kits sa Marikina City.Paliwanag ni Villafuerte, ito ay para maengganyo nila ang mga frontliner ngayong may banta sa COVID-19. &quot;As Filipinos, we love milk tea at this time na makareceive ka ng milk tea parang sobrang sarap sa pakiramdam,&quot; ani Villafuerte. &quot;Comfort food kasi ang milk tea parang yung pamimigay namin para mauplift namin yung morale ng mga frontliners natin,&quot; dagdag niya. Sinusulatan din nila ang bawat cup ng milk tea ng mga mensahe, bilang personal na pasasalamat sa frontliners. &quot;Since naggigive out na rin tayo ng product natin, why not give out encouraging messages para sa ating frontliners para kapag na receive naman nila, para matutuwa talaga sila at mabibigyan sila ng lakas ng loob,&quot; ani Villafuerte. <div>-- Ulat ni April Magpantay, ABS-CBN News</div>

Nagsanib-puwersa ang isang milk tea store at isang restoran sa Dasmarinas City, Cavite para mamigay ng mga milk tea at pagkain sa mga frontliners ng kanilang siyudad.

Nagsanib-puwersa ang isang milk tea store at isang restoran sa Dasmarinas City, Cavite para mamigay ng mga milk tea at pagkain sa mga frontliners ng kanilang siyudad.