Push Admin

Pamilya sa Cavite naglunsad ng 'Sharing Table' para sa kailangan ng pagkain sa gitna ng lockdown

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2020/life/04/21/sharing-table.jpg"/><figcaption>Mula sa Facebook Page ni Alyana Marie Nuestro</figcaption></figure></div>MAYNILA - Naisip ng isang pamilya sa Alfonso, Cavite na maglunsad ng hapag na paglalapagan ng mga pagkain at iba pang suplay para sa mga nangangailangan ngayong may enhanced community quarantine sa Luzon. Ito ang proyektong “Sharing Table” na inumpisahan ng pamilya ni Alyana Marie Nuestro noong Linggo. Dito maaaring kumuha ng pagkain para sa mga nangangailangan at maglapag ng pagkain para sa mga nais magbigay. Sa panayam sa DZMM, sinabi ni Nuestro na una silang naglagay ng pan de sal. Pero kalauna’y pumatok ang kanilang ideya at marami nang lumalapit sa kanila para mag-abot ng tulong. “Mayroon pong mga magagandang loob na magdadala ng mga plastic na may gulay, sayote kung ano-ano and then ‘yong iba naman po tinatawagan kami, or [kino-contact] through Facebook [and] nakikiusap na magpaabot ng tulong para mas marami ang nakakakuha,” ani Nuestro. <figure class="op-interactive"><iframe height="315" src="https://www.youtube.com/embed/gK5SuGFGdMA?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Araw-araw umanong nababago ang mga nalalagay na pagkain sa dami ng nagpapaabot ng tulong, dagdag niya. Sa dami aniya ng mga kumukuha ay palipat-lipat sila ng puwesto para hindi na kinakailangang lumayo pa ng mga residente. Para makakuha, kinakailangan lang magsuot ng face mask at magdala ng quarantine pass, alinsunod sa quarantine protocols na ipinatutupad sa Luzon. Masusi ring sinusundan ng &quot;Sharing Table&quot; ang physical distancing, ayon kay Nuestro. Kung hindi kayang pumunta, may paraan din para makakuha ng pagkain. &quot;‘Yong mga hindi kaya lumabas pinapakiusapan namin ang SK (Sangguniang Kabataan) na magpa-deliver sa bahay. Pinapadalhan po namin,” ani Nuestro. Mangiyak-iyak si Nuestro sa naging tugon sa kanilang “sharing table” at nagpasalamat sa nagpaabot ng tulong. “Nagsimula kami sa tapat lang. Nakakaiyak po talaga minsan-minsan na nagsasabi na &#x27;salamat po, menos samin ito,&#x27; ganito ang feedback na at least, kahit tinapay lang ito, kahit itlog, nakakatuwa nakakatulong ka sa gastusin nila kahit papaano,” aniya. Sakaling nais mag-donate, maaaring makipag-ugnayan sa <a href="https://www.facebook.com/aliyanamari">Facebook page</a> ni Nuestro.

MAYNILA - Naisip ng isang pamilya sa Alfonso, Cavite na maglunsad ng hapag na paglalapagan ng mga pagkain at iba pa para sa mga nangangailangan ngayong may enhanced community quarantine sa Luzon.

MAYNILA - Naisip ng isang pamilya sa Alfonso, Cavite na maglunsad ng hapag na paglalapagan ng mga pagkain at iba pa para sa mga nangangailangan ngayong may enhanced community quarantine sa Luzon.