Watch more in iWantv or TFC.tv

MAYNILA - Naghahanap ka ba ng masustansiyang makakain?

Maaari mong subukan ang lumpiang sariwa na siksik sa mga masusustansiyang sangkap na tiyak na magbibigay-sigla at resistensiya.

• RECIPE: Lumpiang Ubod

Sa "Taste to Taste" ng programang "Sakto" ng Teleradyo nitong Huwebes, ibinahagi ni Jazz Jamias ng "Lumpia ni Mama" kung paano magluto ng lumpiang sariwa.

• Recipe: Puso ng Saging Patty
• RECIPE: Ginisang sayote with carrots and young corn

Narito ang mga sangkap:

Para sa filling:

• Bawang
• Sibuyas
• Celery
• Carrots
• Lettuce
• Shredded chicken
• Ubod

Para sa sauce:

• Brown sugar
• Tubig
• Cornstarch

Paraan ng pagluluto:

1. Magpainit ng mantika. Igisa ang bawang at sibuyas. Hintayin na maging golden brown.

2. Ilagay ang celery at carrots. Isunod ang shredded chicken. Sunod na igisa ang ubod. Itabi.

3. Hayaang lumamig ang gulay para hindi masira ang wrapper na gagamitin.

4. Ilatag ang lumpia wrapper, ilagay rito ang lettuce. Isunod ang gulay. Balutin. Dahan-dahanin ang pagbalot.

5. Ilagay ang sauce, budburan ng crushed peanuts at raw minced garlic.

6. Maaari nang ihain ang lumpiang sariwa.