Push Admin

ALAMIN: Paano maiiwasan ang mga aksidente sa bahay?

Article (news)

ABS-CBN News

Walang katiyakan ng kaligtasan porke&#x27;t nasa bahay dahil posible pa ring maging biktima ng mga disgrasyang maaaring mangyari sa loob ng mga gusali. Kaya mainam na may kaalaman sa pagbibigay ng paunang lunas o wastong pagresponde sa mga aksidente.<figure class="op-interactive"><iframe height="315" src="https://www.youtube.com/embed/6Y3uTp3K2H8?enablejsapi=1" width="560"></iframe></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div>Isa ang 4 taong gulang na anak ni Pearl Sotto na si Trixie sa mga nasawi sa home accidents, dalawang taon na ang nakalilipas.Kuwento ni Pearl sa programang &quot;Red Alert,&quot; isang tanghali noong Marso 2016, pumunta si Trixie sa kapitbahay para makipaglaro. Sunod na pumunta ang dalawang bata sa isang kalapit na bakanteng bahay.Umakyat umano ang dalawang bata sa ikalawang palapag ng abandonadong bahay at nadaganan ng malaking aparador si Trixie.&quot;Malaking aparador siya. Paglapit ng anak ko sa aparador, pag-ano niya no&#x27;ng pinto, tumaob sa kaniya,&quot; sabi ni Pearl, batay sa kuwento ng kalaro ng anak.&quot;Akala ko nauntog lang or nadapa, &#x27;yon pala malala na. &#x27;Di ko akalaing gano&#x27;n,&quot; ani Pearl.Pinagtulungan ng mga kapitbahay na madala si Trixie sa ospital pero idineklara siyang dead on arrival.Basag sa bungo at internal bleeding ang sanhi ng agarang pagkamatay ng bata.Home accident din ang nag-trigger sa mas malalang sakit ng 4 anyos na si Jerika Banawa, na naging dahilan ng kaniyang pagkamatay noong Marso 2017.Nagsimula ito nang madulas si Jerika at mabagok sa sahig ng kanilang bahay matapos maligo, kuwento ng ama na si Froilan.Isinugod si Jerika sa ospital nang mapansin ng mga magulang na tila naging tulala ang bata matapos ibangon ng ama at lagyan ng malamig na yelo ang bahaging nabagok bilang paunang lunas.Pinauwi rin si Jerika dahil wala namang nakita sa kaniya sa ospital.&quot;Wala naman siyang symptoms na may fracture siya. &#x27;Di siya nagsusuka, wala siyang bleeding, naglalaro pa rin siya,&quot; ani Froilan.Pero makalipas ang dalawang araw, isinugod si Jerika sa ospital nang mapansing kinakapos na ito sa hininga.Ikinabigla ng mga magulang ni Jerika nang malaman sa resulta ng mga pagsusuri na may diyabetes pala ang bata.&quot;Doon lang nila na-determine na diabetic &#x27;yong anak ko. For us, &#x27;di talaga namin alam na diabetic siya pero mahilig siya sa sweets. Nagfe-freak out siya &#x27;pag wala siyang chocolate,&quot; ani Froilan.Nagdulot umano ng stress ang pagkauntog ni Jerika, na naging dahilan naman para tumaas ang blood sugar level niya.Makalipas ang ilang araw, binawian din ng buhay si Jerika dahil sa komplikasyon sa puso, atay, at bato dulot ng mataas na blood sugar level. <div>TIPS</div>Nagbahagi ng ilang tips ang emergency medical technician na si Jaydhie Arevalo at emergency physician na si Charlie Gundran sakaling humarap sa mga biglaang aksidente sa bahay.Ayon kay Arevalo, kapag nauntog ang isang tao at nagkaroon ng pagdurugo, lagyan muna ang bahaging dumurugo ng bimpong may yelo.&quot;Ang rationale ng ice, dahil malamig &#x27;yong temperature ng ice, &#x27;yong blood vessels nagko-constrict. &#x27;Pag nag-constrict &#x27;yong blood vessels, mako-control &#x27;yong bleeding,&quot; paliwanag ni Arevalo.Kapag nadulas at bumagsak, mainam na huwag munang ibangon ang biktima. Sa halip, dahan-dahan itong itihaya.May posibilidad kasi umanong kapag nadulas at unang bumagsak ang ulo ay naaapektuhan ang gulugod.Isa pang nakababahala, ayon naman kay Gundran, kapag nabagok ay ang posibilidad ng blood clot o pamumuo ng dugo sa katawan.Ilan sa mga sintomas nito&#x27;y ang pagsakit ng ulo, pagsusuka, at pagkaramdam ng antok o unti-unting pagkawala ng malay.Dagdag ni Gundran, gaya ng sa kaso ni Jerika, may mga chronic illness talagang lalong nagiging komplikado kapag nakakaranas ng stress, mapa-emosyonal man o pisikal.Ipinapayo rin na tiyaking nakakabit o nakapako ang mga mabibigat na gamit sa bahay na maaaring tumumba.Huwag ding hayaang maglikot o maglaro ang mga bata sa mga lugar sa bahay na delikado.Maaari ring mag-download ng &quot;First Aid&quot; app ng Red Cross.

Mainam na may kaalaman sa pagbibigay ng paunang lunas o wastong pagresponde ang sinuman dahil walang kasiguraduhang ligtas porke't nasa bahay.

Mainam na may kaalaman sa pagbibigay ng paunang lunas o wastong pagresponde ang sinuman dahil walang kasiguraduhang ligtas porke't nasa bahay.