Push Admin

Pantawid ng Pag-ibig: Food packs hatid sa ilang senior, 4Ps beneficiary sa Caloocan

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1675206" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Kahit may pangamba sa coronavirus disease (COVID-19), pinipilit pa ring mangalakal ng 70 anyos na si Zaldy Niepes para may makain sa araw-araw ang kaniyang pamilya. <ul class="op-related-articles">	<li><a href="https://news.abs-cbn.com/news/04/16/21/pantawid-ng-pag-ibig-2-barangay-qc-food-packs">Pantawid ng Pag-Ibig: 2 barangay sa QC hinatiran ng food packs</a></li></ul>&quot;&#x27;Yun ang inaasahan ko, minsan kikita P100, tama lang isang kilong bigas, tiis na lang, wala eh,&quot; ani Niepes. Tinitipid naman ni Estrella Reyes ang mga natanggap na ayuda mula sa mga nagdaang relief operations para may makain ang mga apo. &quot;Naglalako ako ng pandesal, hindi na ako binibigyan sa bakery, kasi bawal na &#x27;yung senior maglakad-lakad sa kalsada,&quot; ani Reyes. Wala na ring trabaho ang 71 anyos na dating truck driver na si Bernardo Tumaca. Hirap siyang makabili ng gamot para sa kanila ng kaniyang misis. &quot;Ang mahal pa ngayon ng gamot kahit generic. Talagang ang hirap ng buhay kaya eto, para makatipid, sa kahoy kami nagluluto,&quot; ani Tumaca. Sina Tumaca, Reyes, at Niepes, at ang mga kabilang sa 4Ps ang pakay ng grupong &quot;Samahan ng Nagkakaisang Pamilya ng Pantawid&quot; (SNPP) para mabigyan ng ayuda mula sa iba&#x27;t ibang sponsor. Sa Barangay 8, Caloocan, pawang mga nanay ang bumubuo ng samahang ito. &quot;Masaya kami, kahit paano maliit man o malaki, naibabahagi namin, nagpapasalamat po kami,&quot; ayon sa parent leader ng grupo na si Ligaya Villaroel. Isa sa mga natulungan ng grupo noon si Rachel Orque na kasapi na rin nila. At bilang dagdag-ayuda para sa mga taga-Barangay 8, namahagi ang ABS-CBN ng mga lutong pagkain bilang parte ng &quot;Pantawid ng Pag-Ibig: Pilipino Para sa Pilipino,&quot; sa tulong ng SNPP. Maaaring mag-donate sa pamamagitan ng pagbili ng mga donation voucher mula sa partner online merchants ng ABS-CBN. Maaari ring ipadala ang tulong sa mga bank account na nakalagay sa <a href="https://corporate.abs-cbn.com/lingkodkapamilya/pantawidngpagibig">website </a>ng Pantawid ng Pag-ibig. <div>-- Ulat ni Bernadette Sembrano, ABS-CBN News</div>

Namahagi ang ABS-CBN ng mga lutong pagkain bilang parte ng "Pantawid ng Pag-Ibig: Pilipino Para sa Pilipino" sa tulong ng SNPP.

Namahagi ang ABS-CBN ng mga lutong pagkain bilang parte ng "Pantawid ng Pag-Ibig: Pilipino Para sa Pilipino" sa tulong ng SNPP.