Push Admin

Inang nawalan ng paningin, hinahatid ang anak sa eskuwela araw-araw

Article (news)

ABS-CBN News

<h3>Anak na may Down syndrome, ‘mata’ ng nabulag na nanay</h3><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/tvpatrol/05/05/7.jpg"/><figcaption>Elsa Badilla, 55, mula Caloocan City, na unti-unting nabulag habang pinalalaki ang anak na may Down syndrome</figcaption></figure></div><p>Hindi na mabilang ang mga plato, baso, at tasang nabasag niya habang nasa kusina. Madalas din siyang magkabukol at pasa dahil sa pagkakabangga sa pader at pintuan. </p><p>&quot;Hindi ko makita ang lahat ng mahawakan ko, lahat basag,&quot; ani Elsa Badilla, 55. &quot;Hindi ko talaga matanggap noong una. Pero dahil nga sa mga anak ko, nagiging matatag ako.&quot; </p><p>Taong 2011 nang tamaan ng glaucoma ang kanang mata ni Badilla. Paglabo ng paningin ang karaniwang unang sintomas nito. Hindi naglaon, naapektuhan na rin ang kaliwang mata niya. </p><p>Hindi na raw niya nagawang ipagamot ang mga mata. Bagama&#x27;t may naitabing pera, pinili niyang ipambili na lamang ito ng pagkain at gamit sa eskuwela ng kanyang mga anak. </p><p>&quot;May pera ako noong panahon na iyon, pero hindi ko naman alam kung sino ang uunahin ko -- ang sarili ko o ang mga anak ko? Siyempre, pinabayaan ko muna ang sarili ko. Mas inuna ko &#x27;yong dalawa, kasi saan ako kukuha ng pagkain nila?&quot; sabi ni Badilla. </p><p>Tuluyan na siyang nabulag. </p><div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/tvpatrol/05/05/4.jpg"/><figcaption>Pitong taon nang bulag si Elsa Badilla. Nasanay niya na ang sarili na gumampan ng mga gawain at kumilos sa bahay.</figcaption></figure></div><p>Sanay man sa dilim si Badilla dahil madalas silang walang kuryente sa gabi, kakaibang dilim pa rin daw ang dala ng pagkabulag. </p><p>Hiwalay na sa kanyang asawa si Badilla nang isilang niya si Sarah noong 2004. </p><p>Lampas 40 anyos na si Badilla noon kaya nagpapasalamat siya sa Diyos dahil nakapagsilang pa siya. Kuya na ang kanyang panganay na si Jan-Jan. </p><p>Tulad ni Jan-Jan, malusog na sanggol si Sarah, ayon kay Badilla. Normal naman sa paningin ng ina ang maliliit na kamay, makinis na balat, at mala-anghel na mukha ni Sarah. </p><p>&quot;Naantig ako noong unang beses ko siyang makita. Talagang masaya! Ewan ko, hindi ko maipaliwanag,&quot; ani Badilla.</p><p>Perpekto man sa paningin ng kanyang ina, agad napansin ng midwife na may kakaiba kay Sarah. May &quot;DS&quot; daw o Down syndrome ang sanggol. </p><p>Hindi raw agad naintindihan ni Badilla ang ibig sabihin ng midwife. Hindi rin niya alintana kung ano man ang kalagayan ng anak. Basta&#x27;t sa mga oras na iyon, ang mahalaga lamang sa kanya ay nasilayan niya sa unang pagkakataon ang kanyang bunso.</p><div><strong>Liwanag sa dilim</strong> </div><div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2018/tvpatrol/05/05/2.jpg"/><figcaption>Si Sarah, bunsong anak ni Elsa Badilla, na 13 taon na</figcaption></figure></div><p>&quot;Ang sabi nila, special child daw. Pero okay lang sa akin kahit special child siya. Masaya ako, kahit ano pa man siya, kasi anak ko siya e,&quot; ani Badilla.</p><p><br/>Maagang nakakitaan ni Badilla si Sarah ng determinasiyong matuto. &quot;Napansin kong mahilig siyang magsulat-sulat, mag-aral. Hanggang sa nag-decide siyang gusto niyang mag-aral.”</p><p>Simula noon, hinahatid at sinusundo ni Badilla si Sarah araw-araw kapag pumapasok ito sa eskuwela. Ito raw ang kanyang simpleng paraan para ipakita ang suporta sa anak, hindi man niya ito mabigyan ng magagarang gamit. </p><p>Mistulang pinagsakluban ng langit at lupa si Badilla nang mabulag. Pero sa kabila ng kanyang kalagayan, hinarap niya ang dilim. </p><p>&quot;Kung hindi ko lalakasan ang loob ko, paano ang mga anak ko? Paano na lang ang buhay nila lalo na itong bunso ko?&quot; aniya. </p><p>Tulong-tulong sila ngayon nina Jan-Jan at Sarah para itaguyod ang pamilya nila. Habang nag-aaral si Sarah, nasa construction si Jan-Jan, na nagpe-pedicab driver din sa gabi. </p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/tvpatrol/05/05/5.jpg"/><figcaption>Walang katumbas na pagmamahal ang araw-araw na ibinibigay ni Aling Elsa kay Sarah.</figcaption></figure></div><p>Si Sarah naman ang nagsisilbing mga mata ni Badilla. &quot;Si Sarah ang mata ko kasi inaakay niya ako. Imbes na ako ang umaakay sa kanya, siya ang umaakay sa akin. Hindi naman ako makaalis nang walang umaakay sa akin,&quot; aniya. </p><p>Kahit pareho silang may kapansanan, magkasamang sinusuong ng mag-ina ang bawat tawiran at hagdan. Madalas silang makipagpatentero sa mga sasakyan. </p><p>Hindi iyon alintana ni Badilla. </p><p>Bagama&#x27;t hindi nakakapagsalita si Sarah, malaki na rin raw ang ipinagbago ng bata magmula nang pumasok ito sa eskuwela, ayon sa kanyang guro. Kaya desidido si Badilla na suportahan ang pag-aaral ng anak. </p><p>&quot;Gusto kong makapag-aral siya (si Sarah). Matuto siyang magsulat o kaya marami siyang matutuhan. Gusto ko siyang maging matatag para kung mawala man ako, matuto siyang tumayo sa sarili niyang mga paa,&quot; aniya. </p><div><br/><em><strong>Editor’s note: Unang lumabas ang kuwento ni Elsa Badilla sa Mission Possible nitong Marso 2018. Muli siyang binisita ng ABS-CBN sa okasyon ng buwan ng pag-alala sa mga ina ngayong Mayo.</strong></em></div>

<p>Sa kabila ng kawalan niya ng paningin, araw-araw inihahatid sa eskuwela ng ina ang anak na may Down syndrome para masigurong makakapag-aral ito.</p>

Sa kabila ng kawalan niya ng paningin, araw-araw inihahatid sa eskuwela ng ina ang anak na may Down syndrome para masigurong makakapag-aral ito.