Push Admin

Pinoy laughter yoga: Grupo bumuo ng paraan para magpasaya sa gitna ng COVID-19

Article (news)

Abner Mercado, ABS-CBN News

MAYNILA -- Sa buong panahon nang pag-iral ng enhanced community quarantine sa Metro Manila, hindi lumilipas ang araw na hindi tumatawa si Paolo Trinidad na taga-Mandaluyong City. Tumatawa siya sa kahit anong dahilan o kahit walang dahilan. Ang pagtawa para kay Paolo ay paraan na ng kaniyang pamumuhay o ehersisyo sa araw-araw bilang isang Pinoy laughter yoga guru. “Laughing for no reason pero dito sa Pilipinas nahihirapan tayo i-promote sabihan na ganyan laughing for no reason. Ang sabi ko para i-adapt sa atin, Laughter for a deeper mas malalim na dahilan kung bakit tatawa tayo health reasons,” paliwanag ni Trinidad. Taong 2010 nang magtungo sa India si Trinidad para magsanay sa founder ng Laughter Global Movement na si Dr. Madan Kataria sa Laughter Yoga International University sa Bangalore. Lahat ng disiplina kakabit sa benepisyo sa kalusugan nang pagtawa ay natutunan ni Trinidad sa ilalim ng pagsasanay kay Dr. Kataria. Noong Mayo 3 ay ginunita ang World Laughter Day na mas makahulugan ang pagdiriwang dahil sa banta ng COVID-19.“Sine-celebrate natin &#x27;yong World Laughter Day. Ginagamit ito, ayon kay Dr. Madan Kataria, founder nito, para ma-achieve natin &#x27;yong world peace through laughter saka healing. Natataon talaga ngayon kasi itong COVID na ito isang invisible na kalaban ito,” ayon pa kay Trinidad. Taong 1995 nang simulan ni Dr. Kataria ang The Laughter Club Movement sa India na lumaganap na sa buong mundo kabilang na ngayon ang Pilipinas na pinangungunahan ni Trinidad bilang Pinoy laughter yoga guru.Sa pamamagitan nang 10 hanggang 15 minutong pagtawa bilang exercise ay may kabutihang dulot ito sa pagpapalakas ng immune system ng isang tao, ayon kay Trinidad.“Ngayon paano natin makokonekta ang pagtawa sa paglakas ng ating katawan, sa immune system? Unang-una &#x27;pag tumatawa tayo sa siyensya nare-reproduce &#x27;yung mga T-cells. &#x27;Yan &#x27;yung kailangan ng katawan natin para lumakas ang ating katawan, maging &#x27;yung ating immune system. Ngayon dito sa COVID medyo nakakalimutan ata na &#x27;pag tumatawa tayo natural na lumalakas &#x27;yung ating immune system. Dahil napakatindi ng stress natin ngayon, kailangan natin tumawa, ” paliwanag ni Trinidad.Ipinakita ni Trinidad kung paano ang laughing exercise na maaaring gawin ng isang tao kahit nag-iisa. Paliwanag niya, ang bibig ang unang pagalawin para ngumiti at tuluyang tumawa.“Mapapansin ninyo takot na takot kayo, nagkakaroon kayo ng anxiety. &#x27;Pag ito nginiti ninyong ganun, nag-iiba ang pakiramdam mo. &#x27;Yung bibig, tapos &#x27;yung pisngi, tapos mata. Tapos hahawak dito sa tiyan, &#x27;yung apat na daliri sa tiyan. Itong thumb sa diaphragm sabihin ninyo lang pssst, pssst, pssst. Ngayon ilalabas mo lahat ng tension at takot mo. Sabihin mo pssst, pssst, pssst kala mo ganyan lang pero nailalabas mo &#x27;yan,” dagdag pa ni Trinidad.At dahil laughing exercise, may bilang na susundin. “Ngayon lagyan mo ng tunog... Tapos po niyan 20 seconds po niyan, 3 to 5 minutes work out na katumbas nyan,” ayon kay Trinidad.Mainam na gawin ito sa loob nang 30 minuto araw-araw.Si Catherine Solis ay anim na taon nang sumusunod sa Pinoy laughter yoga. Siya ay isang single mother at contractual sa kaniyang trabaho. Marami mang hamon aniya ang pagsubok ng COVID-19 at nakatulong sa kaniya ang laughing exercise.“May kasabihan na ang problema huwag natin problemahin, nandiyan lang &#x27;yan. Kailangan maging positive lang tayo.” ayon kay Solis.“Sa personal ko nakakatulong kasi nailalabas ko lahat &#x27;yung takot ko na naitatawa ko. Tapos &#x27;yung pag-iisip ko laging positive kaya malaking naitutulong mag-Pinoy laughter yoga sa nangyayari sa atin ngayon,” dagdag ni Solis.Ayon kay Dr. Bernadette Manalo, isang psychiatrist, positibong emosyon ang pagtawa na may benepisyong medikal sa aspetong sikolohikal. “Laughter is spreadable, lessens worries and releases stress. It can boost endorphins and makes you feel good,” ayon kay Manalo. “Nakakawala ng problema kahit temporarily habang lumalaban tayo sa COVID. Nakakatulong sa pagbigay ng outlet at nakakasaya pa sa ibang tao,” dagdag ni Manalo.At dahil hindi posible ang sama-samang pisikal na pagtawa ngayon dahil kailangan ng social distancing, maaaring isagawa ito sa pamamagitan ng makabagong paraan ng pagsasama sama.“Ang ginagawa namin puwede tayo Pinoy laughter yoga through Zoom, effective. O kaya hindi naman tayo makapag-communicate, gawin na lang ninyo sa harap ng salamin. Ngumiti kayo tapos sabihin ninyo &#x27;yun Hahahahaha, ” ayon kay Trinidad.At pinakamahalaga ay kakabit sa anumang kadahilan ng pagtawa ang panalangin sa bawat pagtatapos ng araw. “Pakinggan natin -- ano ba ang sinasabi ng mga bagay na ito? Ano ang sinasabi ng pandemic na ito? Kailangan ba natin bumalik sa ating pananampalataya, sa pamilya, sa mga kapamilya natin, maramdaman natin na isa lang tayo. Isa lang ang bansa, isa lang ang pinanggalingan, isa lang ang patutunguhan natin.”

Sa buong panahon nang pag-iral ng enhanced community quarantine sa Metro Manila, hindi lumilipas ang araw na hindi tumatawa si Paolo Trinidad na taga-Mandaluyong City.

Sa buong panahon nang pag-iral ng enhanced community quarantine sa Metro Manila, hindi lumilipas ang araw na hindi tumatawa si Paolo Trinidad na taga-Mandaluyong City.

Pinoy laughter yoga: Grupo bumuo ng paraan para magpasaya sa gitna ng COVID-19

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Lifestyle

Pinoy laughter yoga: Grupo bumuo ng paraan para magpasaya sa gitna ng COVID-19

Abner Mercado,

ABS-CBN News

Published May 06, 2020 05:13 PM PHT

|

Updated May 06, 2020 08:12 PM PHT

Read More:

PatrolPH

Tagalog News

coronavirus

COVID-19

coronavirus Philippines update

COVID

coronavirus disease Philippines

COVID-19 Philippines update

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.