Push Admin

BALIKAN: Pangangalampag ng ilang bituin sa #LabanKapamilya online protest

Article (news)

ABS-CBN News

<figure class="op-interactive"><iframe src="https://www.youtube.com/embed/AH_jLf0D_yM?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Tatlong araw matapos ang broadcast shutdown ng ABS-CBN, nagsama-sama ang ilang bituin sa isang online rally na pinamagatang #LabanKapamilya.Dahil bawal ang pisikal na rally o pagititipon dala ng coronavirus pandemic, isinahimpapawid ng mga bituin ang kanilang sama ng loob at sentimyento sa pagpapasara ng ABS-CBN.Tumagal ng tatlong oras ang online protest, kung saan sina Bianca Gonzales-Intal at Boy Abunda ang nagsilbing hosts.Kabilang din sa mga naglabas ng kanilang saloobin si Judy Ann Santos-Agoncillo, na ikinadismaya ang pagsasara ng broadcast operations ng network.“Bakit po kinailangan na gawin ito sa ABS-CBN ngayon? Na sa panahon mismo ngayon na lahat tayo nasa bahay, na kasalukuyang natatakot at nag-iisip kung ano ba ang kinabukasan talaga natin,” aniya.“Hindi po ninyo kalaban ang ABS-CBN, sa panahong ito, tayong lahat dapat ay magkakampi.”Inalala ng ilang bituin, tulad nina Kim Chiu at Bella Padilla, ang mga karanasan nila tungkol sa ABS-CBN.“’Yung ABS-CBN muna ang tinuring kong pamilya kaya nalulungkot po ako kasi feeling ko parang pinatayan nyo ako ng ilaw, pinalabas niyo ko ng bahay, pinaghiwa-hiwalay nyo po kami,” ani Padilla.Para naman kay Chiu, ang network ang tumaguyod para sa mga katulad niyang nangarap lang noon.&quot;Dati, nangarap lang ako na balang araw makita ko sarili ko sa telebisyon, gusto o balang araw, maahon ko yung pamilya ko sa hirap. So nilagyan ko ng pangarap yung sarili ko, dahil sa istasyon na yun may posibleng matutulungan ang pamilya ko,&quot; ani Chiu, na tinaguriang grand winner ng ika-1 season ng &quot;Pinoy Big Brother: Teen Edition.&quot;Naglabas din ng kanilang saloobin sa isyu ng panggigipit sa press freedom at hindi makatarungang pagpapasara sa gitna ng krisis sina Michael De Mesa, John Prats, Raymart Santiago, Agot Isidro, Antonette Jadaone at ilan pang empleyado.Pero ang pinaka-umalingawngaw na boses at emosyon ng gabi ay mula kay Coco Martin.Para sa kaniya, panahon na para magsalita.&quot;Binarubal na tayo e, tinarantado na tayo, kinuha na ‘yung bahay natin. Anong i-eexpect natin? Ipagdarasal natin sila? Pinagdasal na natin sila. Tiniis na natin sila. Dapat kumilos tayo! Dapat magsalita tayo! Dapat marinig kung ano ang nawala sa atin. ‘Yung 11,000 na nasa ABS-CBN, iparinig ninyo! Kasi kung lahat tayo mananahimik, aabusuhin tayo,&quot; ani Martin.Para kay Martin, kakabit na ng kaniyang trabaho ang serbisyo sa bayan kaya masakit sa loob niya na tatanggalin ito.“Buti pa ‘yung POGO ipinaglalaban ninyo. Itong kumpanyang tumutulong sa lahat ng mga tao ngayon, ipinasara ninyo. Ano ‘yun?” ani Martin.“Tapos ‘yung mga tao, tuwang-tuwa? Tuwang-tuwa kayo na nawalan ng trabaho ang 11,000 na tao? O ngayon, kaming 11,000 na tao, anong mangyayari sa amin ngayon? Ngayon, kaming mga artista, paano namin tutulungan ang ilang pamilyang tinutulungan namin at binubuhay namin? Anong sabi ni Harry Roque? &#x27;O, pumila kayo sa DOLE. Huwag kayong mag-alala, bibigyan namin kayo ng ayuda.&#x27; E kung ang buong Pilipinas nga hindi ninyo ma-supplyan e, pati kami makikidagdag?”Nitong Sabado, sinagot ni Harry Roque ang mga paratang ni Martin at sinabing parang hindi tama na ikumpara ng aktor ang sitwasyon ng network sa mga Philippine offshore gaming operations.&quot;Ang POGO po, tanging PAGCOR lang ang pwedeng magbigay ng decision kung sila&#x27;y pwedeng mag-operate. Ang broadcast company, tanging Kongreso lang po ang may ganyang kapangyarihan,” ani Roque sa “Laging Handa” press briefing.Naniniwala naman siya aniya na buhay ang demokrasya sa bansa matapos maglabas ng hinaing ang aktor.<div>— Ulat ni MJ Felipe, ABS-CBN News</div>

Tatlong araw matapos ang broadcast shutdown ng ABS-CBN, nagsama-sama ang ilang bituin sa isang online rally na pinamagatang #LabanKapamilya.

Tatlong araw matapos ang broadcast shutdown ng ABS-CBN, nagsama-sama ang ilang bituin sa isang online rally na pinamagatang #LabanKapamilya.