Push Admin

KILALANIN: Mga masisipag na tindera sa Cavite sa umaga, mapagmahal na mga ina habambuhay

Article (news)

Rhys Buccat, ABS-CBN News

<p>Bago pa man sumikat ang araw, naghahanda na ng mga panindang gulay ang grupo nina Emma Nepomuceno: limang nanay na paglalako ang hanapbuhay, at isa’t isa ang sandigan. </p><p>Binansagan silang &quot;Limang Batyang Itim.&quot; Sa mga batyang itim kasi na nakapatong sa kanilang mga ulo nakalagay ang kanilang mga panindang gulay. </p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/05/12/batya-5.jpg?ext=.jpg"/><figcaption>Sa mga batyang itim nakasalalay ang kabuhayan ng limang nanay na naglalako ng mga gulay sa Cavite.</figcaption></figure></div><p>Umulan man o umaraw, binabaybay nina Nepomuceno ang bawat sulok ng Magallanes, Cavite para hanapin ang kanilang mga suki. Anim na araw sa isang linggo kung sila&#x27;y maglako ng gulay. </p><p>Dalawang ilog raw ang kailangan pa nilang tawirin para marating ang sentro ng bayan kung saan marami ang namimili. Maputik man o maalikabok, sabay-sabay silang naglalakad sa kalsada at tila nangangaroling sa bawat tahanang madaanan. </p><p>&quot;Noong bagyong Ondoy, naglako kami, kahit liparan ang mga yero,&quot; kuwento ni Nepomuceno. &quot;Pero hindi nabili ang gulay. Hindi man lang namin nabayaran ang [kinuhang] paninda.&quot; </p><p>Lugi man sila sa araw na iyon, masaya pa rin si Nepomuceno dahil sa suporta ng kanyang mga kasanggang sina Zenaida Jugo, Marina Tampis, Deliah Dalusag, at Marilyn Daiton. Ang bawa&#x27;t isa sa kanila ay mga inang may sinusuportahang pamilya. </p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/05/12/batya-1.jpg?ext=.jpg"/><figcaption>‘’Tawanan lang, tsismisan, kuwentuhan.” Iyan daw ang sikreto ng Limang Batyang Itim. </figcaption></figure></div><p>&quot;Kahit po kami&#x27;y may mga problema, nakakalimutan po namin kahit sandali dahil lagi kaming masaya,&quot; ani Nepomuceno. &quot;Tawanan lang, tsismisan, kuwentuhan.&quot; </p><p>Sa unang tingin, parang hindi tinatablan ng kalungkutan ang grupo nila. Pero nang isa-isa na silang nagkuwento, halos mapuno ng luha ang batyang itim. </p><div><strong>MGA MATATAG NA MAYBAHAY </strong></div><p>Matatag na maybahay si Nepomuceno, ayon sa kanyang classmate at ngayo&#x27;y kapuwa tindera na si Delia Dalusag.</p><p>&quot;Si Emma ay isang nanay na masipag magtinda ng gulay. Kahit umuulan at nag-iisa, siya lang ang nagtitinda,&quot; pagbabahagi ni Dalusag tungkol kay Nepomuceno. </p><p>Si Nepomuceno ay 47 taong gulang na, pero kayod-kalabaw pa rin, sabi ni Dalusag, 45 anyos. Mayroon kasi itong tatlong anak. Ang isa pa rito ay nadamay sa isang aksidente. Ipinangutang pa ni Nepomuceno ang pampaospital nito. </p><p>&quot;Napakadami na naming utang. Kaliit na po ng tingin sa amin ng tao sa sobrang daming utang,&quot; mangiyak-iyak na kuwento ni Nepomuceno. </p><div> </div><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/05/12/batya-2.jpg?ext=.jpg"/><figcaption>(Mula kaliwa) Deliah Dalusag, Emma Nepomuceno, Marilyn Daiton</figcaption></figure></div><p>Bagama&#x27;t iisa lang ang anak ni Dalusag, hirap din siya sa buhay dahil hindi nakakapaghanapbuhay ang kanyang mister na may problema sa pandinig. Madalas pa itong maging sanhi ng kanilang away. </p><p>Mabuti na lamang at laging napapakalma si Dalusag ng kapatid niya at kasama rin sa pagtitinda na si Marilyn Daiton. </p><p>Tulad nina Nepomuceno at Dalusag, kailangan ding maglako ng gulay ng 43 anyos na maybahay dahil mayroon siyang anim na anak. Ang isa pa sa kanila ay may karamdamang meningitis. </p><p>Pero kahit pa patong-patong ang suliranin nina Nepomuceno, Dalusag, at Daiton, hindi raw sila padadaig sa kalungkutan. Tutulungan na lang daw nilang maging matatag ang bawat isa. Humuhugot na lang sila ng pag-asa sa paniniwalang balang araw ay makakapagtapos ng pag-aaral ang kani-kanilang mga anak. </p><div><strong>MAG-INANG BALO </strong></div><p>Kapuwa namayapa man ang kanilang mga ka-&#x27;forever,&#x27; hindi naman nawawalan ng pag-asa sa buhay ang mag-inang Zenaida Jugo at Marina Tampis, na kasama rin sa Limang Batyang Itim. </p><p>Si Jugo, 42, ay may tatlong anak. Isa siya sa anim na mga anak ni Tampis, 66. Isa rito ang kasama pa ni Tampis sa bahay. </p><p>&quot;Ako na ang gumagabay sa kanila. Siya (Jugo) ay balo, ako ay balo rin. Magkatulad lang kami. E siyempre, sa isa&#x27;t isa na lang kami naglalabasan ng sama ng loob,&quot; ani Tampis. </p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/05/12/batya-3.jpg?ext=.jpg"/><figcaption>(Mula kaliwa) Sina Zenaida Hugo at Marina Tampis: mag-inang balo, at halos magkabarkada na sa paglalako at pagtataguyod sa mga mahal sa buhay.</figcaption></figure></div><p>Sa unang tingin, mistulang magbarkada lamang ang mag-ina. Masaya silang nagtatawanan, umaawit, at sumasayaw kasama ang mga kapwa nila tindera ng gulay na sina Nepomuceno, Daiton, at Dalusag. </p><p>Hindi raw nila alintana ang pagod sa maghapong paglilibot sa bayan. Ang mahalaga&#x27;y sama-sama sila sa hirap man o ginhawa. </p><p>Ang mahalaga, sa pag-uwi nila matapos ang buong araw na paglalako, gumaan na ang mga itim na batya, at naibenta na ang mga gulay; mayroon silang pagkaing ihahain sa mesa, mayroon silang baryang mailalagay sa alkansiya, at mayroon silang pambili ng papel at lapis na gagamitin ng kanilang mga anak sa eskuwela.</p>

<p>Sinasaluhan ng tawanan at kuwentuhan ng limang nanay na nagtitinda ang paghahanapbuhay. Sa ganito, mas gumagaan kahit paano ang mga dalahin nila sa buhay, at ang mga batyang itim nila ng mga gulay. <br /> </p>

Sinasaluhan ng tawanan at kuwentuhan ng limang nanay na nagtitinda ang paghahanapbuhay. Sa ganito, mas gumagaan kahit paano ang mga dalahin nila sa buhay, at ang mga batyang itim nila ng mga gulay.

KILALANIN: Mga masisipag na tindera sa Cavite sa umaga, mapagmahal na mga ina habambuhay

News

Entertainment

Lifestyle

Sports

Metro.Style

More

Traffic

Manila

Horoscope

Lifestyle

KILALANIN: Mga masisipag na tindera sa Cavite sa umaga, mapagmahal na mga ina habambuhay

Rhys Buccat,

ABS-CBN News

Published May 12, 2018 05:40 PM PHT

Read More:

Magallanes

Cavite

Mother's Day

Just Love You 'Nay

JustLoveYouNay

Limang Batyang Itim

limang batya

5 batya

Emma Nepomuceno

Zenaida Jugo

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2025 ABS-CBN Corporation. All Rights Reserved.