Push Admin

Dating tagalinis, ngayo'y may-ari at chef ng restawran sa Italy

Article (news)

ABS-CBN News

<p>Tulad ng maraming overseas Filipino worker, si Marvin Aguda ay nangibang-bansa dala-dala ang pangarap na umasenso sa buhay. </p><p>Naging janitor, caregiver, at waiter si Aguida simula nang lumipad siya patungong Italy noong 1999.</p><p>Pagkalipas ng tatlong taon, namasukan siya sa isang pizzeria o isang restawran na pizza ang espesyalidad. Araw-araw siyang naglilinis ng banyo, nagliligpit ng mga mesa, naghuhugas ng mga pinggan, at nagtatapon ng basura. </p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2017/overseas/05/30/pizzeria-2017-053017.jpg"/></figure></div><p>“Nagsimula din ako sa pinakamababang posisyon dito sa Italya. Nagtrabaho din ako sa bahay, nagsimula ako dito na ako ang naghuhugas ng pinggan, ako ang naglilinis dito ng banyo, ng lahat,” ani Aguda. </p><p>Araw-araw ring pinanonood ni Aguda ang sistema sa restawran at ang pagluluto ng chef ng iba-ibang klase ng pizza. Dito natutuhan ni Aguda ang proseso ng paggawa ng pizza -- mula sa pagmamasa, paghihiwa ng mga sangkap, hanggang sa paglalatag ng mga ito sa plato.</p><p>Nang mamatay ang isa sa mga may-ari, napagdesisyunan ng natirang boss ni Aguda na ibenta na lamang ang restawran sa taong maaari nitong pagkatiwalaan. </p><p>Dahil nakita ni Aguda ang oportunidad dito, inalok niya ang kanyang boss na bibilhin niya ang restawran sa pamamagitan ng isang bank loan. Tinanggap naman ito ng boss.</p><p>Matapos ang dalawang taon, nabayaran na niya nang buo ang biniling restawran. </p><p>Si Aguda na ang may-ari at chef sa pizzeria na dati&#x27;y nililinis-linis noon.</p><div><strong>Kauna-unahang Pinoy pizza chef sa Milan</strong></div><p>Kilala ang Italy para sa masasarap na pizza na gawa ng mga <br/>Italyano. Ngunit, mahigit isang dekada na ang nakalilipas nang tumatak sa kasaysayan si Aguda dahil siya ang kauna-unahang Pinoy pizzaiolo o pizza chef sa Milan.</p><p>Sa Il Postino, ang pizzeria na pagmamay-ari ni Aguda sa Milan, dumadagsa ang mga kostumer para sa tradisyonal at sa Filipino-style pizza.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2017/overseas/05/30/pizzeria-2-2017-053017.jpg"/></figure></div><p>“I was thinking that the Italian people are the best in the world in making pizza but after I tried Filipino-[made], I changed my mind,” ayon kay Giovani Teoli, suki ng Il Postino. </p><div><strong>Pinoy-style pizza ni Aguda</strong></div><p>Umaani ng papuri ang mga malalaking pizza ni Aguda na punong-puno ng mga sangkap. Mula sa mga tradisyonal na uri gaya ng Margherita, Four Cheese, at Pepperoni, hanggang sa kanyang Sisig Lechon Pizza, lahat ay tinatangkilik ng mga Italyano at Pilipino.</p><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2017/overseas/05/30/pizzeria-3-2017-053017.jpg"/></figure></div><p>Binabalik-balikan ng mga kostumer ang Sisig Lechon pizza-- isang fusion ng lechon at margherita pizza. Naisipan itong gawin ni Aguda para sa kanyang mga Pinoy kostumer, ngunit naging mabenta rin ito sa kanyang mga Italyano. </p><p>Sampu hanggang 15 minuto ang ginugugol ni Aguda sa pagluluto ng pizza. </p><p>Inihahanda niya ang lahat ng sangkap at ina-assemble ang pizza sa ibabaw ng kanyang marmol na counter, saka niya ito niluluto sa kanyang brick oven. Nakagagawa siya, kasama ang kanyang kapatid, ng higit 200 pizza kada araw.</p><div><strong>Sipag at Tiyaga</strong></div><p>Patunay si Aguda na umuunlad ang isang Pinoy saan man siya mapunta dahil sa pagtitiyaga at pagmamahal para sa trabaho. </p><p>Ayon kay Aguda, hindi nakukuha ang tagumpay sa loob ng isang gabi, subalit kung magsisipag at tuloy tuloy lang ang pagtatrabaho, maaabot din ang mga pangarap. </p><p>“Kailangan lang talaga dream big, kailangan mataas ang iyong pangarap sa buhay hindi &#x27;yung laging hanggang doon na lang, hindi ko kaya &#x27;yan, hindi pwedeng ganoon,” aniya. --<strong> Ulat ni Mye Mulingtapang, ABS-CBN Europe News Bureau</strong></p>

<p>May-ari at chef na sa isang pizzeria sa Italy ang Pinoy na si Marvin Aguda, ang dating tagalinis sa parehong restawran.</p>

May-ari at chef na sa isang pizzeria sa Italy ang Pinoy na si Marvin Aguda, ang dating tagalinis sa parehong restawran.