Paano makakatulong sa mga sapatero? Magtabi ng P1K kada taon

MANILA – Sa halagang P1,000 kada taon ay maaari nang makatulong sa mga sapatero sa Marikina.

Ayon kay Sec. Ramon Lopez ng Department of Trade and Industry (DTI), ang pagbili sa gawa ng mga sapatero sa bansa ay makakatulong sa kanila sa gitna ng pagbaba ng demand sa mga sapatos na gawang lokal.

Ang mga maliliit na sapatos na pambabae ay aabot sa P800 kada pares, at ang sapatos naman na “mas kumplikado” ay puwedeng mabili sa halagang P2,000 hanggang P3,000, ani Lopez.

“Ang difficulty nila, bumaba ang demand…ang gusto po natin, makapag-supply sila ng maramihan,” aniya.

• Watch: Meet Kiko, the hopeful Marikina shoemaker

Kuwento ni Lopez sa DZMM Sabado ng umaga, ang ibang sapatero ay umano’y nagbebenta ng diyaryo at bote upang magkaroon ng kita sa mga panahong mababa ang bentahan ng mga sapatos na gawa sa Pilipinas.

Ang ganitong mga paghihirap ay dulot umano ng pagpasok ng mga mumurahing sapatos na imported mula sa “traditional sources [of imports].”

• Read: Philippines' famed footwear fights cheap imports

Pero kahit may kakompetensya, kakayanin naman ang mabuhay sa paggawa ng sapatos. Kailangan lang umano ng mga kagamitan, at sapat na tulong mula sa gobyerno at kapwa Pilipino.

Noong nakaraang taon ay nakatanggap si Pangulong Rodrigo Duterte ng regalong sapatos mula sa isang sapatero sa Marikina, na kaniyang ikinatuwa dahil sa kagandahan nito.

• Read: The story behind President Duterte's Marikina-made shoes