Push Admin

Article (news)

Paano ang tamang paglilinis ng tainga?

ABS-CBN News

Maaaring magdulot ng pagkabingi at iba pang mga komplikasyon ang pagpapabaya at maling paglilinis ng tainga.Sakaling magkamali ng paglilinis at matamaan ang ear drum o ang bahagi ng tainga na tila manipis na tisyu at responsable sa pagdadala ng tunog sa gitnang bahagi ng tainga, maaari itong magkaroon ng bitak o mabutas at magdulot ng problema sa pandinig.Maaari ring maimpeksiyon ang tainga kung masugatan ito habang nililinis.Isa sa mga komplikasyong maaaring idulot nito ay ang pagkakaroon ng luga, o ang mala-sipon na likidong dilaw na tumutulo palabas ng tainga. Kung hindi ito magagamot, mabaho ang amoy nito at puwede rin itong magdulot ng pagkabingi.Ipinapayo ni Dr. Natividad Almazan, isang eyes, ear, nose, throat specialist, na ang bukana lamang ng tainga ang linisin.Kumuha ng manipis na tuwalyang basa at saka gamitin ito sa paglilinis sa bukana ng tainga.Huwag ipasok ang cotton buds, daliri, o iba pang matutulis na bagay bilang panlinis ng tainga dahil, maliban sa puwede nitong matusok ang eardrum, maaari rin nitong maitulak ang earwax paloob. Kung mangyari iyon, mas lalong mahihirapan sa pagtanggal nito dahil sa pagtigas ng namuong earwax.Huwag ding maglilinis ng tainga kung may kasama o may taong katabi dahil maaaring masagi ang kamay at matusok ang tainga.Upang mas mapangalagaan ang pandinig, marapat na kumain ng masustansiyang pagkain.Iwasan din ang sobrang paggamit ng earphones o headphones nang matagal at nang malakas ang pinatutugtog.Magsuot ng pamprotekta sa tainga kung kailangang magtrabaho sa mga lugar na maingay o kung makaririnig ng sunod-sunod na paputok.Maaari rin namang ipaubaya ang paglilinis ng tainga sa doktor upang masigurong ligtas ang pagsasagawa nito.

Maaaring magdulot ng pagkabingi at iba pang mga komplikasyon ang pagpapabaya at maling paglilinis ng tainga.

Maaaring magdulot ng pagkabingi at iba pang mga komplikasyon ang pagpapabaya at maling paglilinis ng tainga.