Push Admin

Article (news)

ALAMIN: Paano magplano ng pamilya?

ABS-CBN News

<div>Editor&#x27;s Note: May mga tinatalakay na seksuwal at hindi pambata ang artikulong ito. Mahalaga ang wastong paggabay sa mga wala pa sa tamang edad o disposisyon para magbasa o umintindi ng ganitong mga bagay.</div>Mahalaga ang yamang-tao sa pag-unlad ng bansa at dapat lang na pinangangalagaan ang bawat isang mamamayan.Sa programang ‘Good Vibes’ sa DZMM, sinabi ni Dr. Jondi Flavier, executive director ng Philippine Center for Population and Development, na mahalagang masiguro na ang bawat mamamayan ay malusog, nakakapag-aral, at may may maayos na kabuhayan.Ngunit paano nga ba masisigurong naaalagaan ang bawat mamamayan?Paliwanag ni Flavier, mainam na magplano ng pamilya upang masiguro ang kalusugan ng ina at ng anak, pati na ang edukasyon ng mga anak.“[Ang] populasyon na inaalagaan, napakahalaga po sa atin. Paano maaalagaan ang mga ‘yan? Maganda rin po ang pagplano ng pamilya para ‘yung kalusugan ng nanay at kanilang mga anak ay masiguro. Maganda rin magplano para masigurong makatapos ng pag-aaral ng mga bata,” ani Flavier.Mahalaga rin aniya na magplano ng pamilya upang ang mga nanay na nagtatrabaho ay may panahon para mapanumbalik ang lakas bago magkaanak muli.“Maganda rin magplano ng pamilya para si misis na nagtatrabaho… may panahon na lumakas at sumigla, ituloy ang trabaho,” paliwanag ni Flavier.Kasunod nito, ibinahagi ni Flavier ang iba’t ibang paraan upang makapagplano ng pamilya.Una, aniya, ay mahalagang malaman kung ano ang intensiyon ng mag-asawa at kung ilang anak lamang ang kanilang nais.Kung spacing o pagtatakda lamang ng pagitan na ilang taon sa bawat anak, makatutulong ang natural family planning o ang hindi pagtatalik sa mga panahong maaaring mabuntis ang babae.Maaari rin aniyang gumamit ng pills, condom, injection, at implant.Paliwanag ni Flavier, ang injection ay tinutusok kada tatlong buwan habang ang implant ay tumatagal ng tatlong taon. May 99 porsiyentong success rate din aniya ang implant.Kung masaya na ang mag-asawa sa bilang ng anak at ayaw nang magkaroon pa ng anak, iminumungkahi ng doktor ang intrauterine device (IUD) na maaaring magamit para hindi na mabuntis ang babae sa loob ng 10 hanggang 15 taon.Maaari rin aniya na talian na ang tubo ng babae sa proseso ng ligation. Puwede ring magpa-vasectomy ang isang lalaki.Samantala, pinayuhan din ni Javier ang mga magulang na sabihan ang mga anak na mas magandang maghintay at magtapos muna ng pag-aaral bago makipagtalik, upang maiwasan ang teenage pregnancy o maagang pagbubuntis.

Mahalaga ang yamang-tao sa pag-unlad ng bansa at dapat lang na pinangangalagaan ang bawat isang mamamayan. Mas madali ito kung matitiyak ang kalusugan, edukasyon, at kabuhayan ng bawat tao.

Mahalaga ang yamang-tao sa pag-unlad ng bansa at dapat lang na pinangangalagaan ang bawat isang mamamayan. Mas madali ito kung matitiyak ang kalusugan, edukasyon, at kabuhayan ng bawat tao.