Push Admin

13 anyos na tumayong magulang sa kapatid hinatiran ng tulong

Article (news)

ABS-CBN News

<figure class="op-interactive"><iframe src="https://www.youtube.com/embed/XYlE2Ypwsxw?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa halip na pag-aaral ang inaatupag, nakatutok ang 13 anyos na binatang si Manuel Olivares sa pag-aalaga sa tatlong nakababatang mga kapatid sa Trece Martires City, Cavite.</p><p>Labing-isang taong gulang si Olivares nang maulila sila sa kanilang ina dahil sa sakit, kasabay nito ay iniwan naman sila ng kanilang ama.</p><p>Mula noon, inako na ni Olivares ang responsibilidad bilang magulang sa kaniyang mga kapatid kahit wala siyang ideya kung saan sila kukuha ng ikabubuhay nila.</p><p>Tumigil si Olivares sa pag-aaral at nanghihingi siya ng mga mangga na ititinda. Nangangalakal din siya para lang may maiuwi siyang pagkain para sa mga kapatid.</p><p>&quot;&#x27;Pag kumakain kami, wala pong ulam. Nalulungkot po ako, kawawa naman &#x27;tong mga kapatid ko, minsan po toyo ang ulam namin,&quot; kuwento niya.</p><p>&quot;Minsan po, &#x27;pag hindi ako pinapayagang manguha ng mangga, mangangalakal na lang po,” kuwento ni Olivares.</p><p>May nakatatandang mga kapatid si Olivares pero may mga pamilya na rin kaya limitado ang naibibigay na tulong sa mga kapatid.</p><p>&quot;Sa ngayon po, hirap din kaming mag-asawa at sa tuwing kakain kami, parte-parte lang kami sa pagkain. Dadamihan na lang naming &#x27;yong sabaw para marami po kaming makain, minsan naman naglulugaw na lang o walang maalmusal. Sobrang hirap din po ng walang magulang,&quot; pagsasalaysay ni Evita Aron, ate ni Olivares.</p><p>Ngayon na papasok na ang ilan sa kapatid ni Manuel, doble-kayod siya sa pangangalakal at pagtitinda ng mangga para may mabili siyang school supplies.</p><p>Lingid sa kaalaman ni Manuel ay may mga nais silang matulungan.</p><p>Hinatiran ng Imus Terminal Mall ng mga paninda, groceries, home supplies gaya ng unan at mattress si Olivares, habang binigyan ng bag, school supplies, at uniform ang kaniyang mga kapatid.</p><p>Para sa iba pang kuwento ng inspirasyon, sundan lang ang Mission Possible sa kanilang <a href="https://www.facebook.com/missionpossible.abscbn">Facebook</a> page.</p><div><strong>--Ulat ni Raymond Sakiwat, ABS-CBN News</strong></div>

<p>Mula nang maulila, inako na ng 13 anyos ang responsibilidad bilang magulang sa kaniyang mga kapatid.</p>

Mula nang maulila, inako na ng 13 anyos ang responsibilidad bilang magulang sa kaniyang mga kapatid.