Push Admin

#KwentongKapamilya: Kapamilya scholar, binalikan ang paglalakbay sa pagiging abogado

Article (news)

ABS-CBN News

&quot;Mahirap ang buhay pero mas mahirap ang walang pinag-aralan.&quot;Ito ang mga salita na nagsilbing gabay sa abogado na si Hilmarie Nimo upang makamit ang mga tagumpay na mayroon siya ngayon.Aniya, bata pa lamang siya ay nakaranas na siya ng mga pagsubok sa buhay. &quot;Kinabubuhay lang namin dito ay &#x27;yong kinikita ng father ko,&quot; ani Nimo habang nagbabalik-tanaw sa mga karanasan noong musmos pa lamang. &quot;May mga araw na talagang kulang ang bigas sa maghapon.&quot;Upang makatulong sa mga magulang, maaga siyang gumigising para maghanda ng panindang kakanin na ibebenta sa eskuwelahan na higit tatlong oras ang layo mula sa kanila.Dahil may kalayuan ang kanilang lugar, hindi aniya naaabot ng kuryente ang kanilang tahanan. Pursigido na makapagtapos, gumagamit siya at ang kaniyang mga kapatid ng gasera para makapag-aral at makagawa ng takdang aralin. Kuwento niya, nakapanood lang siya ng telebisyon nang dumating ang ABS-CBN Knowledge Channel sa kanilang paaralan.&quot;&#x27;Yon pong mga programa nila, like Mathtinik, Sineskwela at iba pa, malaki ang naitulong sa akin,&quot; saad ni Nimo.Nagsumikap siya na makapagtapos bilang valedictorian upang magkaroon siya ng scholarship para makatuloy ng high school sa kabila ng kakapusan sa pera.Upang matulungan din si Nimo sa kaniyang pag-aaral, naghandog ang ABS-CBN Knowledge Channel ng assistance na kaniyang nagamit hanggang kolehiyo.&quot;Since dumating ang Knowledge Channel sa buhay ko, nag-offer sila ng assistance for me para makapagpatuloy ako ng pag-aaral ko sa high school and eventually hanggang maka-graduate ako ng college,&quot; nagagalak na kuwento ni Nimo.Desidido na makatulong sa pamilya, ipinagpatuloy niya ang pag-aaral nang mabuti hanggang sa kalaunan ay naging abogado siya.&quot;Ngayong attorney na ako, panahon ko naman na tumulong at magbigay ng inspirasyon sa ibang tao lalo na sa pamilya ko,&quot; ani Nimo.Payo niya sa mga nais magtagumpay sa buhay: &quot;Mangarap nang malaki at &#x27;yong pangarap na malaki na &#x27;yon ay panghawakan dahil walang imposible sa taong nagsusumikap.&quot;Panoorin ang kaniyang #KwentongKapamilya:<figure class="op-interactive"><iframe height="315" src="https://www.youtube.com/embed/fs5xZsbduy4?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Di ininda ni Hilmarie Nimo ang hirap para makapag-aral. Ngayon, abogado na siya.

Di ininda ni Hilmarie Nimo ang hirap para makapag-aral. Ngayon, abogado na siya.