Push Admin

#KwentongKapamilya: Donnie Nietes, nagpursigi para maging kampeon sa buhay

Article (news)

ABS-CBN News

<p>Kailangan ng tibay ng loob at dedikasyon upang makamit ang mga pangarap at mapagtagumpayan ang mga pagsubok sa buhay.</p><p>Ito ang ipinakita sa nakatutuwang kuwento ng 4-division world champion na si Donnie Nietes.</p><p>Aniya, nagsimula ang interes niya sa boksing noong kabataan niya dahil sa kaniyang mga tiyuhin na nakikipaglaban din sa ring.</p><p>Nang makapagtapos ng pag-aaral, inimbitahan siya ng kaniyang tiyuhin na magtrabaho sa isang gym bilang janitor.</p><p>&quot;Dinala siya ng tito niya doon sa amin, isa lang na utility. Siya ang nag-mop sa gym namin,&quot; kuwento ng coach na si Edmund Villamor.</p><p>&quot;Pursigido siya na nagte-training dahil pagkatapos niya magtrabaho sa gym, nagte-training na siya lang mag-isa,&quot; dagdag ni Villamor.</p><p>Desidido na maging matagumpay sa larangan ng boksing, nag-ensayo nang mahusay si Donnie at nakipaglaban sa loob at labas ng bansa.</p><p>&quot;Maligaya ako kasi noong maliit siya, sa tabi-tabi lang siya nagbo-boksing,&quot; saad ni Renella, ina ni Donnie.</p><p>&quot;Pero noong nakita ko siya sa TV, naging masaya ako kasi napapanood na siya ng lahat,&quot; dagdag ni Renella.</p><p>Laking tuwa rin ng pamilya ni Nietes na dahil sa sports, nakapagpundar sila ng mga ari-arian katulad ng bahay, sasakyan, at negosyo.</p><p>&quot;Nagpapasalamat ako sa Panginoon na binigyan kami ng anak na si Donnie,&quot; ani Josue, ama ni Donnie. &quot;Hindi mapagmalaki o mapagmayabang, [at] model sa mga kabataan.&quot;</p><p>Pangako ni Donnie, patuloy siya na magbibigay ng karangalan sa bansa hanggang sa abot ng kaniyang makakaya.</p><div><strong>Panoorin ang kaniyang #KwentongKapamilya:</strong></div><figure class="op-interactive"><iframe src="https://www.youtube.com/embed/6ahBp5tEaoM?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

<p>Tibay ng loob at dedikasyon para magtagumpay. Ito ang ipinakita ng boxing champion na si Donnie Nietes.</p>

Tibay ng loob at dedikasyon para magtagumpay. Ito ang ipinakita ng boxing champion na si Donnie Nietes.