Push Admin

Parke sa Puerto Princesa, tampok ang mga mala-cherry blossoms na balayong

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/news/07/28/07282018-balayong.jpg"/><figcaption>Ang balayong ay lokal na puno sa Palawan na maihahalintulad sa sakura o cherry blossoms ng Japan. ABS-CBN News</figcaption></figure></div>Puerto Princesa City — Maagang gumising ang daan-daang mga residente ng Puerto Princesa para makibahagi sa ikalawang &quot;Balayong Planting and Nurturing Festival&quot; nitong Sabado.Ang balayong ay lokal na puno sa Palawan na maihahalintulad sa sakura o cherry blossoms ng Japan.Mula sa 1,600 seedlings na itinanim noong Hulyo 29, 2017, ngayon taon ay tumutok ang aktibidad sa pagtatanim ng 417 earth-balled trees, o mga malalago nang mga balayong, na galing pa sa Barangay Sta. Lucia Balayong Farm.Ang iba naman ay binisita at nilagyan ng pataba ang kanilang mga itinanim na puno habang ang ilang barangay ay dumayo pa para lang lagyan ng bakuran ang kanilang tanim.&quot;Para naman sa safety dahil siyempre ginastusan namin. Pangalawa sa matagal na panahon kailangan mabuhay siya dahil alam namin na talagang maganda ang huling kalalabasan nito,&quot; ani Renato Nario, punong barangay ng Simpocan.Hindi lang ito ordinaryong tree planting activity dahil ito umano ang kauna-unahang urban forestry program sa buong bansa at ang mismong nagtanim at mag aalaga ng mga punong palalakihin ay mga mamamayan ng Puerto Princesa.&quot;This is history in the making, because the city government pioneered in establishing formally an urban forestry program. No other cities in the Philippines, I believe, established an urban forestry program wherein we set aside 62 hectares as park,&quot; ani Atty. Carlo Gomez ng Puerto Princesa City Environment and Natural Resources Office.Mahigit 2,000 mga balayong ang itinanim sa paligid ng 62 ektaryang Balayong Park.Dahil dito, inaasahan na sa loob lang ng limang taon ay papantay na ang Balayong Park sa mga sakura tree na dinarayo pa ng mga turista sa Japan.Sa susunod na taon, inaasahan na magkakaroon naman ng balayong arts and music food festival sa lugar, upang sama-samang maipagdiwang ang kalikasan at pagyabong ng mga itinanim na mga puno ng balayong. —Ulat ni Diana Lat, ABS-CBN News

Mahigit 2,000 mga balayong ang itinanim sa paligid ng 62 ektaryang Balayong Park.

Mahigit 2,000 mga balayong ang itinanim sa paligid ng 62 ektaryang Balayong Park.