Push Admin

ALAMIN: Wastong haba ng tulog at ang kahalagahan nito

Article (news)

ABS-CBN News

<figure class="op-interactive"><iframe src="https://www.youtube.com/embed/bp9Cq9s5hAA?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Tatlong taon nang trabaho ng 65 anyos na si Leticia Domingo na bantayan mula alas-11 ng gabi hanggang alas-7 ng umaga ang kanilang tindahan sa palengke, na bukas 24 oras.&quot;Hindi naman ako puwede kumuha [ng] iba, kasi pera &#x27;yong ano... &#x27;yong asawa ko hindi naman niya kaya, kaya ako talaga &#x27;yong nagbabantay,&quot; kuwento ni Domingo sa &quot;Salamat Dok.&quot;Dahil gising mula gabi hanggang umaga, pinipilit ni Domingo na bumawi ng tulog sa araw subalit paputol-putol ito.Aminado si Domingo na iba pa rin ang pakiramdam kapag sa gabi natutulog pero kailangan niyang magtiyaga para sa kabuhayan.Napansin din ni Domingo na unti-unting naapektuhan ng iskedyul ang kaniyang kalusugan. Iniinda umano niya ang paglalabo ng kaniyang paningin, at pananakit ng mga tuhod at paa. May mga pagkakataon ding nanghihina siya.Ayon sa sleep medicine specialist at pulmonologist na si Rodolfo Dizon Jr., pito hanggang walong oras ang inirerekomendang tagal ng tulog ng isang tao.&quot;In general, &#x27;yong mga matatanda, kahit nakalakihan natin na six to eight hours &#x27;yong sinasabi na ideal sleep, ngayon po pinu-push natin sa seven to nine hours. Kung matagal masyado &#x27;yong nine hours, seven to eight [hours], okay na po,&quot; ani Dizon.Binigyang diin ni Dizon na dapat &quot;tuloy-tuloy&quot; ang pagtulog ng pito hanggang walong oras.Sa pagtulog kasi, ani Dizon, naipapahinga ng tao ang kaniyang mga muscle, puso, at utak.&quot;&#x27;Yong puso natin, bumababa &#x27;yong heart rate, blood pressure dahil relaxed &#x27;yong katawan and then &#x27;yong isip natin, napapahinga din po, nawawala &#x27;yong mga stress,&quot; aniya. Ayon kay Dizon, nagdudulot ng hypertension, diabetes, at mas mataas na tsansa ng stroke o atake sa puso ang kakulangan sa tulog.Pero masama rin umano ang <a href="http://news.abs-cbn.com/life/01/22/18/bakit-masama-ang-sobrang-pagtulog">sobrang pagtulog</a>, na nagdudulot naman ng narcolepsy o iyong kondisyong madalas antukin ang isang tao sa araw, pagiging makakalimutin, at kahirapan na mag-contentrate sa mga gawain.<div>ORAS NG PAGTULOG</div>Ayon kay Dizon, mahalaga ring isaalang-alang kung anong oras natutulog ang isang tao, lalo at marami ang nahihirapan magpalit ng iskedyul ng kanilang pagtulog.Karaniwan umano itong nangyayari sa mga nagtatrabaho sa gabi na kailangang magpalit ng oras ng pagtulog sa kanilang mga rest day.&quot;&#x27;Yong mga shift worker sa gabi nagkakaproblema sa weekend [o] kapag day off nila, kasi mamimili po sila kung matutulog ba sila, itutuloy nila &#x27;yong pagtulog nila sa umaga o kailangan gampanan &#x27;yong mga kailangan nila sa pamilya,&quot; paliwanag niya.Kung nagtatrabaho sa magdamag, ipinapayo ni Dizon na pahalagahan pa rin ang pagkakaroon ng kumpletong tulog sa araw.&quot;Ide-dedicate lang po talaga nila. Matutulog ako mula alas-10 ng umaga hanggang alas-6 ng gabi, strict po dapat &#x27;yon. Walang labis, walang kulang,&quot; aniya.

Paano kung gabi ang trabaho? Ilang oras dapat matulog at bakit? Sinagot ang mga tanong na iyan ng isang sleep medicine specialist.

Paano kung gabi ang trabaho? Ilang oras dapat matulog at bakit? Sinagot ang mga tanong na iyan ng isang sleep medicine specialist.