Push Admin

Ano'ng epekto ng inuming matatamis o may mataas na caffeine sa katawan?

Article (news)

ABS-CBN News

Pinag-iingat ng mga doktor ang publiko sa pag-inom ng mga supplements, at matatamis na inumin lalo na ang mga umiinom nito para lang magising.Anila, maaaring humantong sa sakit sa bato kapag naparami o ilang taon na ang pag-inom ng mga ito.Isa si Lei del Rosario sa mga lumalaban sa sakit na chronic kidney disease 5 kung saan unti-unti nang bumibigay ang kanyang bato. Sumailalim siya ngayon sa dialysis.Nag-viral naman noong mga nakaraang araw ang post niya sa social media kung saan binigyan niya ng babala ang mga kapwa nasa business process outsourcing (BPO) industry na alagaan ang katawan at magkaroon ng magandang lifestyle para hindi humantong sa seryosong sakit tulad ng sa kaniya.Pero nilinaw din niya na nagkaroon siya ng sakit sa bato hindi dahil nasa BPO industry siya.May hypertension na rin kasi siya noon pa, na hindi niya nabigyan ng pansin at hindi rin aniya naging maganda ang lifestyle niya.Umiinom siya ng matatamis na inumin, mga gamot, at pain reliver para labanan ang antok sa gabi kapag naka-duty.Kapag nagkakaroon naman ng high blood, umiinom lang siya ng gamot pampapababa ng blood pressure at hindi siya nagpapatingin sa doktor. Aminado naman ang mga nagtatrabaho sa BPO industry na hindi biro ang pagdu-duty ng gabi pero kailangan pahalagahan ang sarili.Ayon sa espesyalista sa sakit sa kidney, prone sa sakit sa bato ang mga diabetic at hypertensive.Pinag-iingat din ng mga doktor ang publiko sa sobrang pag-inom ng matatamis na inumin at may mataas na caffeine at supplements lalo na para magising lang sa trabaho o para magkaroon ng lakas.Anila, dapat moderate ang pag-inom o kung maaari ay iwasan na lang. &quot;Kailangan mag-ingat sa mga supplement na tine-take natin. ‘Yung mga pagpigil naman ng ihi, puwede rin itong maging dahilan lalo na kung ang pasyente ay palaging may UTI [urinary tract infection],&quot; ani Russell Villanueva, adult nephrology consultant.Madalas ding walang sintomas ang kidney disease sa unang parte ng sakit na ito. Sa huli, ayon sa mga doktor, mahalagang tandaan na lahat ng sobra ay masama.<div>-- Ulat ni Kori Quintos, ABS-CBN News</div>

Pinag-iingat ng mga doktor ang publiko sa pag-inom ng mga supplements, at matatamis na inumin lalo na ang mga umiinom nito para lang magising.

Pinag-iingat ng mga doktor ang publiko sa pag-inom ng mga supplements, at matatamis na inumin lalo na ang mga umiinom nito para lang magising.