Editor's Note: May mga tinatalakay na seksuwal at hindi pambatang paksa ang artikulong ito. Mahalaga ang wastong paggabay sa mga wala pa sa tamang edad o disposisyon para magbasa o umintindi ng ganitong mga bagay.

Lingid sa kaalaman ng kalalakihan, hindi lahat ng mga babae ay nakakaabot sa orgasm tuwing nakikipagtalik. Anu-ano nga ba ang mga dapat gawin upang makamit ng kababaihan ang orgasm?

• Bakit 50% lang ng kababaihan ang nasisiyahan sa pakikipagtalik?

Sa programang "Private Nights" sa DZMM nitong Linggo, nagbigay ng payo si Dr. Lulu Marquez para sa mga mag-asawa upang matagumpay na magkaroon ng orgasm ang mga babae.

Ayon kay Marquez, ang mga proseso para marating ang orgasm ay nakapaloob sa tinatawag na female sexual response.

Ang female sexual response ay mayroong tatlong proseso.

Una, ang desire o kagustuhan ng babae na makipagtalik.

"[Kailangan] hindi ka pinilit, at, Kuya, hindi mo pipilitin 'yan [asawa mo]," saad ng doktora.

Ang pangalawa ay ang arousal kung saan magkakaroon ng clitoral erection at vaginal lubrication o wetness.

"Magkakaroon ng lubrication...Very important kasi kung hindi [ay] aaray-aray 'yan, magkakaroon ng vaginal dryness, magkakaroon ng sugat, magkakaroon ng abrasion," ani Marquez.

Kung naramdaman ng babae ang desire at arousal, makakamit na nito ang ikatlong proseso, ang orgasm.

Ang ilang palatandaan ng female orgasm ay ang rhythmic contraction ng mga pelvic muscle o balakang, leg muscle, at ng mga hita.

• PRIVATE NIGHTS: Paano malalaman kung tunay ang orgasm?

Nagkakaroon din ng pagbaluktot ng mga daliri sa mga paa o curling of the toes.

Ayon pa kay Marquez, kapag nagkaroon ng orgasm ang babae, maglalabas ang katawan ng mga hormone na oxytocin at vasopressin na makatutulong upang mas mapalapit pa ang mga mag-asawa.

• Kahalagahan ng 'orgasm' sa babae at lalaki

"Ito ang tinatawag na bonding hormones, the more you produce these... mas lalo kayong bonded," saad niya.