Push Admin

Masikip na brief, pagja-'jacuzzi', nakababaog?

Article (news)

ABS-CBN News

<div>(Editor&#x27;s Note: May mga tinatalakay na seksuwal at hindi pambata ang artikulong ito. Mahalaga ang wastong paggabay sa mga wala pa sa tamang edad o disposisyon para magbasa o umintindi ng ganitong mga bagay.)</div>Tinalakay ni Dr. Lulu Marquez sa kaniyang programang ‘Private Nights’ sa DZMM ang iba&#x27;t ibang sanhi ng infertility o pagkabaog sa lalaki at sa babae.Ayon kay Marquez, lumalabas sa pag-aaral na pareho lang halos ang bilang ng mga babae at lalaking nakararanas ng pagkabaog o ang problemang pangkalusugan kung saan hindi makabuo ng anak ang mag-asawa.Hindi aniya tamang sabihin na babae lang ang baog kapag siya&#x27;y hindi nabubuntis dahil maaaring baog din ang kaniyang mister.&quot;Infertility in men is most often caused by varicocele. &#x27;Yang varicocele po, problema po &#x27;yan sa mga ugat, o tinatawag na veins na nandoon sa testicles. Iyong varicocele, masyadong malalaki po ang veins doon sa testicles. Kapag malaki po &#x27;yon doon, paiinitin niya ang testicles na hindi dapat,&quot; ani Marquez.Paliwanag pa ni Marquez, nakababawas ng sperm kapag naiinitan ang scrotum at testicles ng lalaki na nangyayari kapag may varicocele siya.&quot;Iyong sinasabi nilang biro na &#x27;hala, baka maluto&#x27;, actually hindi po biro, it can actually kill sperm cells, ayaw nitong naiinitan.&quot;May paalala rin si Marquez sa mga lalaking mahilig magbabad sa mainit na tubig.&quot;Mga [lalaking] mahilig sa &#x27;jacuzzi&#x27;, mga laging naglulublob sa mainit... namamatay po ang sperm kapag laging na-expose sa extremes of temperature [ang ari].&quot;Pinayuhan din ng doctor ang mga lalaki na umiwas sa pagsusuot ng hapit o sobrang sikip na briefs.&quot;Sa mga mag-asawang gusto pang magka-baby, better po kung boxer shorts [ang suot ni mister].&quot;Dagdag pa ni Marquez, maaari ring tumaas ang posibilidad na mabaog ang lalaki kung siya&#x27;y malakas uminom ng alak at serbesa, nagdodroga, malakas manigarilyo, at may exposure o nabibilad sa mga kemikal tulad ng lead at pesticides.Maaari ring maging sanhi ng pagkabaog ang mga sakit na &#x27;cystic fibrosis&#x27;, diabetes na posibleng magdulot ng &#x27;erectile dysfunction&#x27; at ang &#x27;mumps&#x27; o &#x27;beke&#x27; na maaaring magdulot ng &#x27;orchitis&#x27; o ang pamamaga ng testicles sa mga may edad na lalaki.Posible ring makabaog ang gamot para sa isang malubhang sakit.&quot;Kung may cancer ang lalaki, because of the chemotherapy, radiation therapy can cause infertility,&quot; paliwanag ni Marquez.Pagdating naman sa kababaihan, karaniwang sanhi ng pagkabaog ang problema sa ovaries.&quot;Ang pinaka-common po na cause ng infertility among women is &#x27;yong tinatawag na &#x27;polycystic ovarian syndrome&#x27;, iyong &#x27;PCOS&#x27;,&quot; ani Marquez.Ayon sa doctor, karaniwang may hormonal imbalance o problema sa hormones ang babaing may PCOS kaya nakaaapekto ito sa normal na ovulation o ang buwanang paglalabas ng &#x27;egg cell&#x27; ng babae.Maaari namang magpatingin sa &#x27;obstetrician-gynecologist&#x27; ang babaeng may PCOS para ma-monitor ito dahil puwede itong mabigyang lunas.Bukod sa PCOS, maaari ring mabaog ang babae dahil sa &#x27;primary ovarian insufficency&#x27; o &#x27;POI&#x27;. Ito ang kondisiyon kung saan tumitigal na ang normal na operasyon ng ovaries pagsapit ng edad 40.Iba pang maaaring dahilan kung bakit hindi magkaanak ang isang babae ay may nakabara sa kaniyang fallopian tubes, may problema sa matris, at may uterine fibroids o mga namuong &#x27;laman&#x27; o tissue sa matris.Tulad sa lalaki, tumataas din ang posibilidad na mabaog ang babae kapag siya&#x27;y malakas uminom at manigarilyo o kaya&#x27;y nagkaroon ng sexually transmitted disease.Maaari ring makaapekto ang sobrang stress sa kakayahan ng babaing magbuntis.Dapat ding pangalagaan ng babae ang kaniyang timbang dahil nakaaapekto ang pagiging overweight o underweight ng babae sa kaniyang reproductive health.Payo pa rin ni Marquez sa mga mag-asawang nahihirapang magkaroon ng anak, magpatingin sa espesyalista para mabigyan ng kaukulang payong medikal para sa kung anumang kondisiyong pangkalusugan ang mayroon sila.

Tinalakay ni Dr. Lulu Marquez sa kaniyang programang ‘Private Nights’ sa DZMM ang iba't ibang sanhi ng infertility o pagkabaog sa lalaki at sa babae.

Tinalakay ni Dr. Lulu Marquez sa kaniyang programang ‘Private Nights’ sa DZMM ang iba't ibang sanhi ng infertility o pagkabaog sa lalaki at sa babae.