Push Admin

Taho pie, lumpianiza: Mga nakatatakam na bagong putaheng Pinoy

Article (news)

Barbie Salvador-Muhlach

<p>Katulad ng wikang Filipino na buhay at laging nagbabago, ang panlasang Pilipino ay dinamiko rin. Isang halimbawa dito ay ang mga klasikong putaheng nag-iiba ang bersiyon depende kung tagasaang rehiyon ang nagluluto.</p><p>Kagaya na lang ng paborito nating adobo.</p><p>Dito sa Luzon, madalas makita ang pinakasimpleng bersiyon nito: ang pagluluto ng baboy o manok sa suka, toyo at bawang na may dahon ng laurel at paminta. </p><p>Pero kung galing naman ng Taal, Batangas ang gagawa nito, adobong dilaw ang kanilang ipinagmamalaki doon. Ibig sabihin, meron itong dagdag na rekadong luya.</p><p>Samantala sa Visayas, mas kilala ang adobong puti kung saan imbes na toyo ay asin lamang ang pampaalat. Habang sa Bicol at ibang bahagi naman ng Mindanao ay nilalagyan ito ng katas ng niyog at tinatawag na adobo sa gata.</p><p>Ngayong 2019 naman ay may napansin tayong mga bagong pangalan ng putaheng Pilipino. Heto ang kuwento sa likod ng ilan sa mga ito. </p><div><strong>1. LumpiaNiza (lumpiang longganisa)</strong></div><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/news/08/29/20190829-putaheng-pinoy-1.jpg"/></figure></div><p>Nagsimula ang konseptong ito noong 2017 sa kusina ng mag-asawang Hernandez. Si Rele ay gumagawa ng skinless longganisa para pambaon ng mga anak nila. Habang ang asawa naman niya ay gumagawa ng lumpiang shanghai. Nang minsang magkasabay silang magluto ay naibalot ni rele ang longganisa sa lumpia wrapper. At doon na nga nabuo ang Pop’s Original LumpiaNiza. </p><div><strong>2. Taho Pie</strong></div><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/news/08/29/20190829-putaheng-pinoy-2.jpg"/></figure></div><p>Ayon kay Gideon Roy Lim ng Messerts, nabuo ang konsepto ng Taho Pie dahil sa pagnanais niyang makapag-imbento ng kakaibang panghimagas. Dumating ang ideyang ito sa kaniya nitong Pebrero nang maisipang pagsamahin ang isa sa mga pinakasikat na Filipino street food at isang klasikong panghimagas ng mga Amerikano. </p><div><strong>3. Choc-oh-dilis (chocolate-covered dilis chips)</strong></div><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/news/08/29/20190829-putaheng-pinoy-3-1.jpg"/></figure></div><p>Isa sa mga paboritong pagkain ng mga Filipino ang champoradong may toppings na maalat na tuyo. Ito ang naging inspirasyon ni Roxy Young para magsimula ng bagong klase ng merienda. Dahil ang best friend ni Roxy ay supplier ng mga dried fish, naisip niyang ito ang gamiting pangunahing sangkap. Pero para maging kakaiba, nilagyan niya ito ng tsokolate tulad ng pinaghalong tamis-alat ng champoradong may tuyo. </p><div><strong>4. Sea-charon (chicharong seaweed)</strong></div><div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2019/news/08/29/20190829-putaheng-pinoy-4.jpg"/></figure></div><p>Bata pa lang si Rufa Indico ay mahilig na siya sa seafood, kasama ang seaweed o damong-dagat. Sa pagnanais na maibahagi pa ito sa mas maraming tao ay naisipan niya ang produktong Sea-Charon Crispy Seaweed Crackers. Bukod sa masarap, and chicharong seaweed ay mas maigi rin kaysa sa ibang mga meryenda dahil sa mabubuting kontribusyon nito sa kalusugan.</p>

<p>Katulad ng wikang Filipino na buhay at laging nagbabago, ang panlasang Pilipino ay dinamiko rin.</p>

Katulad ng wikang Filipino na buhay at laging nagbabago, ang panlasang Pilipino ay dinamiko rin.