Push Admin

Ano ang epekto ng 'menopause' sa mga lalaki?

Article (news)

ABS-CBN News

Kung mayroong menopause ang mga babae, nakararanas din ng kanilang bersiyon ng &quot;menopause&quot; ang mga lalaki.Tinalakay ni Dr. Lulu Marquez sa kaniyang programang ‘Private Nights’ sa DZMM ang kondisiyong pangkalusugan sa mga lalaki na &quot;andropause&quot; o ang tinatawag na male menopause.&quot;It&#x27;s also called the androgen deficiency of the aging male and the late onset male hypogonadism,&quot; paliwanag ni Marquez tungkol sa andropause. &quot;Sinasabing deficient ka na o bumababa na ang testosterone mo.&quot;Hindi rin tulad ng menopause sa kababaihan na agad natutukoy oras na tumigil ang buwanang regla, maaaring hindi agad matukoy kung ina-andropause na ang isang lalaki.Matutukoy lang kasi ito kung sasailalim sa pagsusuring medikal ang lalaki para malaman kung bumaba na ang testoserone level niya sa katawan.&quot;Remember, guys: At the age of 30, about 10% every decade, &#x27;yang testosterone mo bumababa,&quot; ani Marquez. &quot;At the age of 50, ang statistics nito, 30% of men... nararamdaman na ang symptoms of [andropause].&quot;Dagdag ni Marquez, kasabay ng pagbaba ng testosterone level, nagdudulot ng mga pagbabago sa katawan ang andropause.Nariyang mawawalan ng muscle mass ang lalaki at tumataas ang kaniyang body fat kaya nadaragdagan ang kaniyang taba o timbang.Dumarami rin ang buhok na nalalagas kapag may andropause.Nakararanas din ng mood swings ang lalaking ina-andropause at mas mabilis uminit ang kaniyang ulo o mawalan ng pasensiya. Puwede ring mas madalas siyang maging malungkutin.Tulad ng babaeng nagme-menopause, maaari ring makaranas ang lalaking ina-andropause ng &quot;hot flushes&quot; o ang sobrang pagpapawis dahil labis na naiinitan kahit pa normal lang naman ang temperatura ng paligid.Bumababa rin ang &quot;sex drive&quot; o ang kagustuhang makipagtalik ng lalaki dahil sa andropause.Apektado rin nito ang erection o ang pagtigas ng ari ng lalaki.Maaari ring maging komplikasyon ng andropause ang osteoporosis o ang pagrupok ng buto sa katawan at pati na rin ang cardiovascular diseases o mga sakit sa puso.Ayon kay Marquez, puwede namang maibsan ang epekto ng andropause kung pangangalagaan din ang kalusugan.Makatutulong ang tamang nutrisyon, pag-eehersisyo, pag-iwas sa mga bisyo tulad ng pag-inom ng alak at serbesa, pati na ang paninigarilyo.Mayroon din namang treatment para sa mga nakararanas ng andropause.&quot;Treatment will actually relieve &#x27;yong symptoms kapag nag-testorone patch ka, testosterone pills, capsules, or injection. Ibig sabihin, &#x27;yong libido mo, &#x27;yong sex drive mo, babalik,&quot; ani Marquez. Sabi ni Marquez, dapat pa ring magpatingin sa espesyalista ang lalaking gustong sumailalim sa testosterone treatment dahil hindi para sa lahat ang ganitong gamutan, lalo na kung may cancer ang lalaki.&quot;[Pero] hindi lahat ng lalaki dapat magpa-testosterone replacement. Especially kung may problema sa prostate gland, hindi puwede.&quot;

Kung mayroong menopause ang mga babae, nakararanas din ng kanilang bersiyon ng "menopause" ang mga lalaki. Nagdudulot ng mga pagbabago sa katawan ng lalaki ang ganitong kondisiyong pangkalusugan.

Kung mayroong menopause ang mga babae, nakararanas din ng kanilang bersiyon ng "menopause" ang mga lalaki. Nagdudulot ng mga pagbabago sa katawan ng lalaki ang ganitong kondisiyong pangkalusugan.