Push Admin

Bakit masamang mag-swimming agad pagkatapos kumain?

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2017/trending/09/25/092517-iwasan-magswimming.jpeg"/><figcaption>Payo ng isang doctor, iwasang mag-swimming agad matapos kumain</figcaption></figure></div><p>Mayroong mga bagay na hindi dapat gawin agad matapos kumain, paalala ni Dra. Bles Salvador sa kaniyang programang &quot;Dra. Bles @ Ur Serbis&quot; sa DZMM.</p><div><strong>Narito ang mga dapat iwasan matapos kumain:</strong></div><div><strong>Paninigarilyo</strong></div><p>Ayon kay Salvador, lalong nanunuot ang mas maraming carcinogens, o iyong nakapagdudulot ng cancer, sa ating katawan kapag tayo ay nanigarilyo matapos kumain. </p><p>&quot;&#x27;Yong nicotine na nandoon sa cigarette sasama &#x27;yan sa oxygen ng katawan natin at mahihirapan tayong tumunaw ng ating kinain,&quot; dagdag ng doctor.</p><p>Sa pangkalahatang kalusugan, dapat din talagang iwasan na ang paninigarilyo dahil aniya, mas malaki din aniya tiyansang magkaroon ng kanser sa baga ang mga mahilig magyosi.</p><div><strong>Paglalakad</strong></div><p>Pinapaalala rin ni Salvador na iwasang maglakad-lakad pagkatapos kumain dahil maaaring magkaroon ang isang tao ng acid reflux na maaaring magdulot ng heartburn o iyong pakiramdam na parang may kumikirot sa dibdib.</p><div><strong>Pagtulog</strong></div><p>Dapat aniya ay mga isang oras matapos kumain ay tsaka na lamang matulog upang maiwasan ang &quot;bloating&quot; o ang pakiramdam na punong-puno ng hangin ang ating sikmura.</p><p>Ayon kay Salvador, ang agad na pagtulog ay maaari ding magdulot ng acid reflux.</p><p>Paalala rin niya, magpahinga muna nang kaunti bago matulog upang maiwasan ding ma-stroke.</p><div><strong>Pagligo</strong></div><p>Payo ni Salvador, maghintay muna ng 30 minuto hanggang isang oras bago maligo o kaya&#x27;y mag-swimming.</p><p>&quot;Kasi po, mas marami &#x27;yong blood flow sa hands and legs kapag kayo ay nagsi-swim or nagsha-shower [sa halip na] &#x27;yong dugo na papunta sana sa inyong stomach kung saan kinakailangan iyong oxygen ng dugo to digest,&quot; ani Salvador.</p><p>&quot;Magkakaroon kayo ng problema sa digestive system sapagkat lesser &#x27;yong blood na mapupunta doon sa inyong sikmura.&quot; </p><div><strong>Pag-inom ng tsaa</strong></div><p>Bago uminom ng tsaa, maghintay muna ng 30 minuto hanggang isang oras pagkatapos kumain dahil maaaring makaapekto ang tsaa sa mainam na absorption ng iron sa ating katawan.</p><p>&quot;Halimbawa, kumain kayo ng protina, kumain kayo ng mga [pagkaing may] iron, na nandoon sa sangkap ng kinain ninyo, hindi niya ma-a-absorb &#x27;yong pagkain na iyon kasi nga &#x27;yong sangkap ng tsaa... ay hihigpitan niya, hindi niya pababayaang umepekto or pumasok sa katawan natin &#x27;yong kinain nating iron at iba pang mga protina,&quot; paliwanag ni Salvador.</p>

<p>Ipinaliwanag ng isang doctor kung bakit may mga bagay na hindi dapat gawin agad matapos kumain. Kabilang sa mga dapat munang iwasan matapos kumain ang paglangoy, pag-inom ng tsaa, at maging paglalakad.</p>

Ipinaliwanag ng isang doctor kung bakit may mga bagay na hindi dapat gawin agad matapos kumain. Kabilang sa mga dapat munang iwasan matapos kumain ang paglangoy, pag-inom ng tsaa, at maging paglalakad.