Push Admin

Murang organic gulay at paluto ng veggie dishes, tampok sa isang pamilihan sa QC

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/Bh2578dM4MU?enablejsapi=1" width="560"></iframe></figure>Ibinibida ng isang pamilihan sa Quezon City ang mas murang benta nito sa organic gulay at paluto ng sari-saring organic vegetable dishes.Organic na maituturing ang gulay kapag hindi ito ginamitan ng pesticides at iba pang artificial chemicals. Sa halip, natural na mga pampataba gaya ng dumi ng hayop ang ginagamit sa pagtatanim nito.Dahil dito, medyo matagal ma-harvest ang organic vegetables kaya may kamahalan din ito kadalasan.Pero mura itong ibinebenta sa isang pamilihan ng organic vegetables sa Quezon City.Nasa P80 ang organically-grown alugbati, saluyot, at okra habang nasa P120 hanggang P160 kada kilo ang benta nito sa ilang merkado.Ang papaya naman ay P60 kada kilo kumpara sa P100 per kilo sa ibang pamilihan.Ipinagmamalaki rin ng pamilihang ito ang kanilang manager na si Mikhail Sabado na isang chef kaya matapos mamili ng gulay, puwede ring magpaluto ng sari-saring organic vegetable dishes. Best-seller nila ang Pampanga dish na &#x27;inang gulay&#x27; na ginisang saluyot, okra, alugbati at patola sa bawang at sibuyas.Puwedeng gawing partner dito ang organic tanglad juice. Para kay Ame Alib na mahilig kumain ng organic vegetables, iba ang pakiramdam sa katawan ng pagkain ng gulay.Ayon pa kay Alib, bukod sa benepisyo sa kalusugan ng organic vegetables, mas malinamnam din ang lasa nito kaya lalong gaganahan sa pagkain.<div>-- Ulat ni Apples Jalandoni, ABS-CBN News</div>

Ibinibida ng isang pamilihan sa Quezon City ang mas murang benta nito sa organic gulay at paluto ng sari-saring organic vegetable dishes.

Ibinibida ng isang pamilihan sa Quezon City ang mas murang benta nito sa organic gulay at paluto ng sari-saring organic vegetable dishes.