Push Admin

Article (news)

ALAMIN: Mga sakit sa thyroid gland

ABS-CBN News

Ang thyroid hormone ay responsable sa paglaki ng mga bata, sa metabolism at maging sa pagkakaroon ng anak.Sa programang &quot;Magandang Gabi Dok,&quot; sinabi ni Dr. Sjoberg Kho, isang endocrinologist, na maaring magkaroon ng iba&#x27;t ibang sakit sa thyroid gland, na responsable sa paglikha ng thyroid hormone.Malaki rin ang epekto ng thyroid hormone sa katawan, na nakakaapekto sa metabolism, fertility, at growth ng isang tao.Ayon kay Kho, isa ang bosyo o goiter sa pinakakaraniwang sakit sa thyroid gland. Maaring magkaroon ng bosyo ang isang tao kung sobra o kulang ang produksyon ng kanyang thyroid hormone.&quot;Kadalasan, &#x27;yung simple lang na konting laki, &#x27;yun, napakarami noon. Hindi naman kailangan na lahat sila ay gamutin. Kailangan lang maevaluate o tingnan ng doktor para malaman kung alin doon ang dapat gamutin. &#x27;Yung iba doon kasi, &#x27;pag may konting bosyo, may tinatawag na hypo(thyroidism) o hyper(thyroidism). Dapat &#x27;yung thyroid hormone ay tama lang ang dami,&quot; aniya.Bukol sa leeg o paglaki nito, hirap sa paghinga o pagbabago ng boses ang ilan sa mga sintomas ng bosyo.Ayon kay Kho, nag-iiba ang nararamdaman ng isang pasyente depend kung sobra (hyperthyroidism) o kulang (hypothyroidism) ang produksyon ng thyroid hormone.Halimbawa, ang mga may hyperthyroidism ay maaring mamayat, samantalang maari namang madagdagan ang timbang ng mga taong may hypothyroidism.Gayundin, maaring maging mainitin o pawisin ang mga taong may hyperthyroidism, samantalang maaring maging ginawin naman ang may hypothyroidism.Maari din umanong magkaroon ng congenital hypothyroidism ang mga bagong silang na sanggol, na maaring magdulot ng permanenteng mental retardation.Ani Kho, bagama&#x27;t may sintomas ng bosyo ang isang tao, hindi naman lahat ng bosyo ay kinakailangang gamutin.&quot;&#x27;Yung mga mild, maliliit lang &#x27;yung pagkalaki ng bosyo, pwedeng obserbahan kapag &#x27;yung blood test ay normal,&quot; dagdag pa niya.Pinapayuhan ni Kho ang mga nakakaranas ng sintomas ng bosyo na magpatingin sa kanilang mga doktor.

Ang thyroid hormone ay responsable sa paglaki ng mga bata, sa metabolism at maging sa pagkakaroon ng anak.

Ang thyroid hormone ay responsable sa paglaki ng mga bata, sa metabolism at maging sa pagkakaroon ng anak.