Push Admin

'Depresyon kapag hindi naagapan, maaaring humantong sa suicide'

Article (news)

ABS-CBN News

<figure class="op-interactive"><iframe allowfullscreen="" frameBorder="0" height="315" src="https://www.youtube.com/embed/RRkQiJ-fOJI?enablejsapi=1" width="560"></iframe></figure><p>Nasa 3 milyong Pilipino ang nakakaranas ng &quot;depressive disorder&quot;, ayon sa pag-aaral ng World Health Organization at sa impormasyong nakalap ng ABS-CBN Investigative and Research Group.</p><p>Kaugnay nito, nagbabala ang mga espesyalista na hindi biro ang depresyon dahil maaari itong humantong sa suicide o pagpapakamatay kapag hindi naagapan.</p><p>Mahigit 2,000 kaso na ng suicide ang naitala ng WHO sa bansa noong 2012.</p><p>Sa buong mundo, ang suicide ang naitatalang pangalawa sa mga pangunahing dahilan ng pagkamatay ng mga nasa edad 15-29. </p><div><strong>Sintomas ng depresyon</strong></div><p>Ayon sa espesyalista, importanteng malaman ang sintomas ng depresyon lalo&#x27;t posibleng maapektuhan ang mga kaanak ng mayroong ganitong kondisiyon.</p><p>Paliwanag ng mental health advocate na si Dr. Gia Sison, ilan sa sintomas ng depresyon ay matagal na pagiging malungkot, iritable, at pagiging balisa.</p><p>Pero nilinaw niyang magkaiba ang depresyon sa pagiging malungkot lamang. </p><p>Ayon pa sa Department of Health (DOH), maraming dahilan ang pagkakaroon ng depresyon tulad ng stress sa araw-araw na pinagdaraanan, problema sa relasyon, pera, trabaho, at marami pang iba. </p><div><strong>&#x27;Stigma&#x27; sa depresyon</strong></div><p>Umaasa naman ang mental health advocates na maging &quot;normal na usapin&quot; na lang ang depresyon at hindi lang magtatapos sa pagdiriwang ng World Mental Health Day ang usapin tungkol sa mental health.</p><p>Iginiit din nilang panahon na para pag-ukulan ng higit na atensiyon ang usapin ng mental health para mabawasan o maalis na ang stigma o panghuhusga sa mga dumaranas ng depresyon.</p><p>Ilang personalities din ang nag-post at nagsulong ng mental health awareness sa social media gaya ni Miss International 2016 Kylie Verzosa.</p><blockquote class="instagram-media" data-instgrm-version="7" style="background:#FFF;border:0;border-radius:3px;box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15);margin:1px;max-width:658px;padding:0;width:calc(100% - 2px)"><div style="padding:8px"><div style="background:#F8F8F8;line-height:0;margin-top:40px;padding:62.5% 0;text-align:center;width:100%"><div style="background:url(data:image/png;base64,iVBORw0KGgoAAAANSUhEUgAAACwAAAAsCAMAAAApWqozAAAABGdBTUEAALGPC/xhBQAAAAFzUkdCAK7OHOkAAAAMUExURczMzPf399fX1+bm5mzY9AMAAADiSURBVDjLvZXbEsMgCES5/P8/t9FuRVCRmU73JWlzosgSIIZURCjo/ad+EQJJB4Hv8BFt+IDpQoCx1wjOSBFhh2XssxEIYn3ulI/6MNReE07UIWJEv8UEOWDS88LY97kqyTliJKKtuYBbruAyVh5wOHiXmpi5we58Ek028czwyuQdLKPG1Bkb4NnM+VeAnfHqn1k4+GPT6uGQcvu2h2OVuIf/gWUFyy8OWEpdyZSa3aVCqpVoVvzZZ2VTnn2wU8qzVjDDetO90GSy9mVLqtgYSy231MxrY6I2gGqjrTY0L8fxCxfCBbhWrsYYAAAAAElFTkSuQmCC);display:block;height:44px;margin:0 auto -44px;position:relative;top:-22px;width:44px"> </div></div><p style="color:#c9c8cd;font-family:Arial,sans-serif;font-size:14px;line-height:17px;margin-bottom:0;margin-top:8px;overflow:hidden;padding:8px 0 7px;text-align:center;text-overflow:ellipsis;white-space:nowrap"><a href="https://www.instagram.com/p/BZ5h0jbBNtd/" style="color:#c9c8cd;font-family:Arial,sans-serif;font-size:14px;font-style:normal;font-weight:normal;line-height:17px;text-decoration:none" target="_blank">A post shared by Kylie Verzosa (@kylieverzosa)</a> on <time dateTime="2017-10-06T07:53:21+00:00" style="font-family:Arial,sans-serif;font-size:14px;line-height:17px">Oct 6, 2017 at 12:53am PDT</time></p></div></blockquote><div><script async="" defer="" src="https://platform.instagram.com/en_US/embeds.js" type="text/javascript"></script></div><p>Pero kahit anila marami ang nagsasalita tungkol dito, hindi naman ito madalas napag-uusapan dahil sa takot sa stigma.</p><p>Paliwanag ni Dr. Katrina Tan ng National Center for Mental Health, kapag nababanggit na ang &quot;psychiatry&quot; ay natatakot na agad ang mga tao.</p><div><strong>Kakulangan ng mental health facilities</strong></div><p>Isa pang problema ang kakulangan sa pasilidad at mga espesyalista sa bansa para matugunan ang pangangailangan ng mga nakakaranas ng mental health disorders.</p><p>Ayon sa pag-aaral, dalawang mental health workers lamang ang nakalaan sa kada 100,000 populasyon sa bansa.</p><p>Pitong porsyento lang din ng kabuuang bilang ng mga ospital sa Pilipinas ang may psychiatric ward o unit.</p><p>Kaya para sa mga mental health advocates, mainam na magkaroon ng mental health hour o day, o kaya naman ay mga mental health mission na makakatulong sa pagpapalawak ng impormasyon tungkol sa mental health at buwagin ang maling mga haka-haka at stigmang dulot ng mental health disorders.</p><p>Mahalaga rin anila na maisabatas ang &#x27;Mental Health Bill&#x27; para matugunan ang basic mental health services sa mga komunidad sa buong bansa.</p><div><strong>Pag-iwas sa depresyon</strong></div><p>Nagbigay din ng ilang payo ang DOH para maiwasan ang depresyon tulad ng pag-eehersisyo o pagpunta sa gym.</p><p>Nakakatulong kasi ang ehersisyo dahil nailalabas ng katawan ang mga endorphins o tinatawag na &quot;joy hormones&quot; na nakakatanggal sa stress.</p><p>Makatutulong rin sa mga nakakaranas ng depresyon ang pakikipag-usap sa ibang tao, pagkakaroon ng “break”o recreational activities, pagkakaroon ng healthy at positive lifestyle, at pagkakaroon ng support group mula sa mga kaibigan at kapamilya.</p><p>Para sa mga taong nakakaranas ng depresyon, maaaring tumawag sa Hopeline ng DOH sa telepono bilang (02) 804-4673 at 0917-5584673 para sa counselling at iba pang impormasyon.</p><div><strong>-- Ulat nina Kori Quintos at Oman-Bañez, ABS-CBN News</strong></div>

<p>Sa buong mundo, ang suicide ang naitatalang pangalawa sa mga pangunahing dahilan ng pagkamatay ng mga nasa edad 15-29.</p>

Sa buong mundo, ang suicide ang naitatalang pangalawa sa mga pangunahing dahilan ng pagkamatay ng mga nasa edad 15-29.