Push Admin

KILALANIN: Mga nakamotorsiklo na handang tumulong sa kapwa

Article (news)

ABS-CBN News

<figure class="op-interactive"><div id="IVS_ABS_Video_Widget_1_Container"><ivs-player id="IVS_ABS_Video_Widget_1" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div>Nais mabago ng isang grupo ang tingin ng publiko sa mga nagmomotor sa pamamagitan ng pagtuturo ng ligtas na pagmamaneho at pagtulong sa kapwa. Ayon sa opisyal ng grupo na si Nick Fuentes, nabuo ang Ride Guardians (RG) dahil sa kanilang adbokasiya na makatulong sa lahat. “Nabuo &#x27;yung grupo namin mula sa adbokasiya na makatulong sa kapwa, hindi lang sa mga rider na nasisiraan, pati na rin sa mamamayan sa Pilipinas,” ani Fuentes.Tinuturuan ang bawat miyembro ng Ride Guardians ng motorcycle handling, safety riding, at defensive driving.Dagdag pa rito, tumutulong din ang grupo sa mga motoristang nauubusan ng gas sa daan. “Kahit hindi po motorsiklo. Marami pong natulungan [ang] RG [na] mga kotse, naubusan ng gas, takbo si RG para kumuha ng gas... Then makikita mo po sa Facebook nagpapasalamat sila,” kuwento ni Fuentes.Pero hindi natatapos sa motorcycle training at pagtulong sa mga motorista ang gawain ng Ride Guardians dahil sumasailalim din sila sa mga pagsasanay ukol sa disaster response at rescue para makaagapay sakaling may sakuna. “Si RG nga ‘yung tinatawag na first responder sa panahon ng sakuna. Kaya ‘yung mga sector natin nakikipag-coordinate sa NDRRMO [National Disaster Risk Reduction Office], sa mga municipal, para malaman ‘yung mga gagawin, [kung] paano ‘yung diskarte kapag dumating ‘yung delubyo,” ayon kay Fuentes. Tumulong din ang grupo nitong nakalipas na Association of Southeast Asian Nations sa pagbibigay ng serbisyo sa mga sasakyan na kailangan i-escort. Ayon sa grupo, hindi sila kumikita sa kanilang mga gawain at nais lang talaga nilang tumulong.“Talagang pure volunteerism,” ani Fuentes. Sinabi rin ni Fuentes na madalas makita ng karamihan na palaging nangunguna ang mga nakamotorsiklo pagdating sa daan at sangkot din sa mga aksidente kaya nais nila baguhin ito.“Madami kasi tayong mga kababayan, minsan sarili na lang nila iniisip. Dahil nakamotorsiklo sila, gusto lagi silang una... Edi parang labulabo, walang sistema,” paliwanag niya. Pagdating naman sa mga motorsiklong sumisingit sa mga sasakyan, sinabi ni Fuentes na maaari naman itong gawin ngunit dapat may ibayong pag-iingat. “Allowed naman po ‘yung mga motor to filter. Kaya lang po, ang sinasabi po namin sa mga rider, laging drive defensively. Maging matalino pagdating sa kalsada. Iwasan ‘yung mga alanganin na singit, ‘yung mga blind spot kasi dun nagsisimula &#x27;yung disgrasya,” aniya.Panoorin ang buong kuwentong motorsiklo sa “Tapatan ni Tunying” mamayang gabi, Nobyembre 24 pagkatapos ng Bandila.

Nais mabago ng isang grupo ang tingin ng publiko sa mga nagmomotor sa pamamagitan ng pagtuturo ng ligtas na pagmamaneho at pagtulong sa kapwa.

Nais mabago ng isang grupo ang tingin ng publiko sa mga nagmomotor sa pamamagitan ng pagtuturo ng ligtas na pagmamaneho at pagtulong sa kapwa.