Push Admin

Graduate mula Tawi-Tawi, topnotcher sa Civil Engineering Licensure Exams

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Rajiv Nooh Dalagan Amil" src="http://sa.kapamilya.com/absnews/abscbnnews/media/2021/life/11/28/20211128-rajiv-nooh-dalagan-amil.jpg?ext=.jpg"/><figcaption><em>Larawan mula kay Rajiv Nooh Dalagan Amil</em></figcaption></figure></div><p>Hindi tumigil sa pagpursigi ang 23 anyos na si Rajiv Nooh Dalagan Amil mula sa bayan ng Bongao, Tawi-Tawi para sa civil engineering board exam sa kabila ng pangamba dahil sa ilang beses na pagkaantala ng pagsusulit bunsod ng pandemya.</p><p>Nagtapos sa kursong civil engineering sa Ateneo de Davao University si Rajiv, na nanguna sa naturang pagsusulit at nakakuha ng 93.25 percent.</p><p>Ayon kay Rajiv, kahit layunin niyang mapabilang sa top 10, hindi na siya umasa pa dahil sa unang araw pa lang ng pagsusulit, nahirapan na siya sa unang subject.</p><p>Paglabas ng resulta, dumiretso na siya sa pagtingin sa list of passers dahil hindi na niya inasahang mapabilang sa topnotchers.</p><p>Pero laking gulat niya noong pagtingin niya sa topnotchers list dahil nasa rank 1 siya.</p><p>&quot;Napasigaw ako at tinawagan ko agad yung mama ko. I told her na Top 1 ako at hindi rin siya makapaniwala at first. Days leading to the release of results, nagpe-pray na lang ako na sana sure pass na, pero sinisingit ko pa rin talaga na sana man lang makasama pa rin ako sa top 10,&quot; saad ng bagong inhinyero.</p><p>Isang taong review lang sana ang plano ni Rajiv, pero umabot ng higit dalawang taon dahil naantala ng tatlong beses ang kanilang board exam dulot ng pandemya.</p><p>Nahirapan din siya pagpalit ng pamamaraan ng pag-review mula sa physical na naging online review na.</p><p>&quot;Nawawala yung focus ko dahil alam kong kailangan ko na namang mag review for the next 6 months, parang naging cycle na talaga – nakakapagod,&quot; ani Rajiv.</p><p>Simula pagkabata ay alam na ni Rajiv na pagiging engineer ang tatahakin niyang landas.</p><p>Bukod sa civl engineer ang kanyang ama, nakitaan din siya ng galing sa Mathematics mula noong elementarya siya.</p><p>Consistent honor student sa elementarya si Rajiv at best in mathematics naman noong high school. Dalawang beses din siyang napasama sa president&#x27;s list noong kolehiyo.</p><p>Umaasa si Rajiv na makakatrabaho agad sa mga prestihiyosong kumpanya matapos ang kanyang tagumpay sa pagsusulit.</p><p>Aabot sa 36.67 percent ang national passing rate sa civil engineering board exam kung saan 83.33 passing rate ang nakuha ng Ateneo de Davao University.</p><div><strong>—Ulat ni Hernel Tocmo</strong></div><div><strong>KAUGNAY NA ULAT:</strong></div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1388363" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>

Topnotcher sa civil engineering board exams si Rajiv Nooh Dalagan, isang graduate ng Ateneo de Davao na tubong Bongao, Tawi-Tawi.