Push Admin

ALAMIN: Mga 'tsismis' tungkol kay Bonifacio

Article (news)

ABS-CBN News

<p>Ipinagdiriwang ngayong Huwebes ang ika-154 kaarawan ni Andres Bonifacio.</p><p>Si Bonifacio ay tanyag bilang isa sa mga tagapagtatag ng kilusang Kataas-taasan, Kagalang-galangang Katipunan ng mga Anak ng Bayan (KKK) o Katipunan, isang kilusang naglayong makamit ang kalayaan ng Pilipinas mula sa mga Kastila.</p><p>Bilang isang bayani at tanyag na personalidad sa kasaysayan, hindi maiwasan na magkaroon ng iba-ibang kuwento hinggil sa pagkatao at mga karanasan ni Bonifacio.</p><figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1445178" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Ito ang tinalakay ng historyador na si Michael Charleston &quot;Xiao&quot; Chua at ni Francisco Camacho, inapo ni Bonifacio.</p><p>Pinabulaanan nina Chua at Camacho ang mga kuwentong nagmula sa mahirap na pamilya si Bonifacio.</p><p>&quot;Middle class talaga si Andres,&quot; ani Camacho.</p><p>Kapuwa may pagkakakitaan ang mga magulang ni Bonifacio dahil ang ama niyang si Santiago&#x27;y isang sastre habang ang inang si Catalina ay nagsilbing tagapamahala sa pagawaan ng tobako.</p><p>Natuto si Bonifacio ng wikang Kastila dahil ang kaniyang tiyahin na kapatid ni Catalina ay isa umanong guro at ito ang nagturo sa kaniya.</p><p>Sa katunayan, nakapagtapos si Bonifacio ng hanggang ika-apat na baitang, na katumbas ng high school sa panahon ngayon.</p><div><strong>Palabasa, inspirasyon si Rizal</strong></div><p>Kuwento nina Camacho at Chua, palabasa rin si Bonifacio dahilan para mapagtanto niya na hindi dapat napapailalim sa banyaga ang Pilipinas.</p><p>&quot;Si Bonifacio, nakapagbasa, [so] nalaman [niya] &#x27;yong French at American Revolution…nalaman [niya] na puwede tayong lumaya,&quot; ani Chua.</p><p>Nagtrabaho pa si Bonifacio bilang klerk sa bodega.</p><p>Bukod sa mga libro ng kasaysayan, ayon umano sa mga tala&#x27;y binasa rin ni Bonifacio ang mga likha ni Jose Rizal na &quot;Noli Me Tangere&quot; at &quot;El Filibusterismo&quot;.</p><p>May mga usap-usapang idolo umano ni Bonifacio si Rizal.</p><p>Ginamit umano ni Bonifacio ang pangalan ni Rizal bilang &quot;password&quot; sa pakikipag-ugnayan sa mga miyembro ng isang samahan.</p><p>&quot;Alam niyang may pagkasikat si Rizal dahil siya’y nagsulat laban sa Kastila, ang ginawa niya’y ginamit niya iyong pangalan ni Rizal. Ginamit niyang password,&quot; kuwento ni Chua.</p><p>Mayroon pa umanong mga tala na nagsasabing may larawan ni Rizal sa mga lugar na pinagtitipunan ng mga Katipunan.</p><p>Itinanggi rin ni Camacho na &quot;war freak&quot; o pasimuno ng gulo at palaaway si Bonifacio, sa kabila ng pamumuno ng himagsikan.</p><p>&quot;Maaaring may nagsabi lang noon na lumaki pero batay sa kaniyang personalidad, mapagkumbaba siya,&quot; ani Camacho.</p><figure class="op-interactive"><div id="IVS_ABS_Body_Video_2_Container"> <ivs-player id="IVS_ABS_Body_Video_2" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1445182" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><div><strong>Bonifacio vs. Aguinaldo</strong></div><p>Kinuwestiyon din sa talakayan kung sino nga ba sa pagitan nina Bonifacio at Emilio Aguinaldo ang tunay na &quot;unang pangulo&quot; ng bansa.</p><p>&quot;Power struggle kasi ang nangyari. Si Bonifacio ay pangulo ng pamahalaang mapanghimagsik. Nagkagulo sa Tejeros Convention,&quot; ani Chua.</p><p>Ang Tejeros Convention noong 1897 ay pagpupulong ng dalawang pangkat ng Katipunan: ang Magdalo at Magdiwang. Ito&#x27;y nauwi sa halalan upang matukoy kung sino ang mga mamumuno sa revolutionary government noong panahong iyon.</p><p>Nanalo si Aguinaldo bilang pangulo sa Tejeros Convention, bagay na nirespeto ni Bonifacio.</p><p>Subalit mayroon umanong kumuwestiyon sa pagkakahalal ni Bonifacio sa mas mababang puwesto, bagay na ikinainsulto ni Bonifacio.</p><p>&quot;Ang nangyari ngayon, nag-walk out si Bonifacio sa Tejeros Convention, ang tingin niya siya pa rin ang pangulo ... sa Tejeros Convention, ang tingin ng mga tao, si Aguinaldo ang pangulo,&quot; ani Chua.</p><p>&quot;Opinyon mo na &#x27;yon (kung sino ang pangulo),&quot; ani Chua.</p>

<p>Bilang isang bayani at tanyag na personalidad sa kasaysayan, hindi maiwasan na magkaroon ng iba-ibang kuwento hinggil sa pagkatao at mga karanasan ni Andres Bonifacio.</p>

Bilang isang bayani at tanyag na personalidad sa kasaysayan, hindi maiwasan na magkaroon ng iba-ibang kuwento hinggil sa pagkatao at mga karanasan ni Andres Bonifacio.