Push Admin

ALAMIN: Iba't ibang diskarte para makatipid sa panregalo, handaan sa Pasko

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1397287" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Inaasahang mapapagastos na naman ang marami ngayong Kapaskuhan kaya may ilang tips ang isang financial expert para makatipid sa bigayan ng regalo at mga handaan.</p><p>Ayon sa ekspertong si Randell Tiongson, mahalagang planuhin kung magkano ang magiging budget sa panregalo, at alamin agad kung ilan ang bibigyan.</p><p>&quot;Dapat alam mo na kung magkano ang budget mo sa bawat tao na bibilhan ng regalo para hindi ka magugulat na sumobra na pala,&quot; aniya.</p><p>Imbes na mamahaling regalo, puwedeng rin umanong magbigay ng personal gifts gaya ng hand-made cards at home-baked cookies.</p><p>Puwede ring lumang magazines ang gamitin na pambalot sa regalo para eco-friendly, dagdag niya.</p><p>Sa pagbili naman ng Noche Buena items, ipaghalo ang leading brands sa mas murang brands.</p><p>Halimbawa dito ang pagbili ng hamon, na bagama&#x27;t tumaas ngayon ang presyo ay may mga klase naman gaya ng pear-shaped ham at brick ham na gawa sa scrap ham ngunit mas mura kaysa sa traditional whole ham.</p><p>Isa sa mga dumidiskarte para makatipid ngayong Pasko ang maybahay na si Lulu Lim.</p><p>Lumang Christmas decorations ang ikinabit niya mula pa noong mga nakaraang Pasko pero iniiba lang niya ang disenyo para magmukhang bago.</p><p>&quot;Tinatago ko iyan nang maayos sa box para pagdating ng Christmas bubuksan ko uli,&quot; kuwento niya.</p><p>May payo naman ang Meralco kung paano makatipid sa kuryente ngayong Kapaskuhan.<br/>    <br/>Una na ang paggamit ng LED light imbes na incandescent light dahil mas mababa umano ang kinokonsumo nitong kuryente.</p><p>Kapag lumamig na ang panahon, puwedeng ring ilagay sa mid-setting ang refrigerator.<br/>    <br/>Ang aircon naman ay i-set ang temperatura sa 25 degrees Celsius.<br/>    <br/>Lagi ring i-unplug ang appliances gaya ng TV dahil kumukonsumo pa rin ito ng kuryente kahit hindi ginagamit.</p><div><strong>—Ulat ni Apples Jalandoni, ABS-CBN News</strong></div>

<p>May ilang tips ang isang financial expert para makatipid sa bigayan ng regalo at mga handaan.</p>

May ilang tips ang isang financial expert para makatipid sa bigayan ng regalo at mga handaan.