Electronic floats nagpailaw sa Candon, Ilocos Sur

CANDON CITY, ILOCOS SUR — Mga karosang tadtad ng mga pailaw at bulaklak ang nagningning sa mga kalsada ng Candon City noong gabi ng Sabado bilang bahagi ng pagdiriwang ng Pasko sa lungsod.

Nasa 22 na bayan ng ikalawang distrito ng Ilocos Sur ang lumahok sa parada ng mga electronic float, na 14 taon nang idinadaos.

Nagsilbing special guests sa pagdiriwang sina JooE at Nancy ng South Korean girl group na Momoland, na nakilala sa bansa dahil sa kanilang kantang "Bboom Bboom."

Hango ang disenyo ng mga karosa sa temang bulaklak at kabilang sa mga ibinidang bulaklak ang kalachuchi, marigold at rosas.

Mayroon ding mga karosang may disenyo ng kastilyo at fountain.

Ayon kay Candon Mayor Ericson Singson, layon ng pagdiriwang na ipakilala ang ikalawang distrito ng Ilocos Sur bilang destinasyon para sa mga turista.

Watch more in iWantv or TFC.tv

"Gusto natin na maipakilala ang ganda ng siyudad," ani Singson.

Nakatakda namang magdaos ang Momoland ng libreng concert sa Vigan City sa Linggo.

• K-pop girl group Momoland, may libreng concert sa Ilocos Sur