Push Admin

Nilalakong goto na may sahog na 'street food' patok sa Nueva Ecija

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="http://sa.kapamilya.com/absnews/abscbnnews/media/2018/life/12/10/20181210-gotong-gala.jpg?ext=.jpg"/></figure></div>Patok sa mga taga-San Jose, Nueva Ecija ang goto na tinitinda ni Christopher Porwelos dahil sa pagiging abot-kaya at sa lasang dala ng mga sahog nito.Hindi gaya ng regular na goto, na kadalasan ay lamang-loob at itlog lang ang sahog, mga sikat na street food gaya ng isaw, atay at sitsaron ang maaaring ihalo sa &quot;Gotong Gala&quot; ni Christopher, na nabibili sa halaganag P20 hanggang P25 depende sa sahog. Hango ang pangalan ng potahe sa paraan ng pagtinda ni Christopher. Sa halip kasi na sa isang lugar niya ipuwesto ang gotohan, nilalako niya ito sa pamamagitan ng motorsiklo.&quot;Noong minsan akong mapunta ng Manila eh, may masarap na gotohan doon. Sabi ko, &#x27;Kung gawin ko kaya mas kakaiba? Subukan ko &#x27;yong gotong nililibot,&#x27;&quot; kuwento ni Christopher sa programang &quot;Rated K.&quot;Matiyagang iniikot ni Christopher ang San Jose at pumupuwesto sa harap ng mga simbahan, eskuwelahan at opisina.&quot;Unti-unting nagustuhan ng mga tao,&quot; dagdag ni Porwelos.Ang paglako ng goto ang paraan ni Christopher upang makatulong sa pagtaguyod sa kaniyang pamilya matapos maputol ang kaniyang kaliwang paa bunga ng isang aksidente noong siya ay bata.<figure class="op-interactive"><iframe height="315" src="https://www.youtube.com/embed/Ftbn9YFeskc?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Limang taong gulang si Christopher nang masagasaan siya ng sasakyang habang hinahabol ang kaniyang kapatid na noon ay papatawid ng kalsada.&quot;Naipit lang naman po &#x27;yong sakong eh... magmula po noon, nakalakad pa naman po ako,&quot; kuwento ni Christopher.Dahil kapos sa pera pampagamot, ininda na lamang ni Christopher ang injury na natamo sa aksidente.Makalipas ang 10 taon, lumala ang sugat ni Christopher at kinailangan putulin ang kaniyang kaliwang paa dahil sa posibilidad na tubuan ito ng kanser.&quot;Feeling niya wala na siyang silbi. Mayroong time na mainit &#x27;yong ulo niya,&quot; kuwento ng misis ni Christopher na si Virgie.&quot;Sabi ko nga sa kaniya &#x27;Paa lang ang putol sa &#x27;yo, buo &#x27;yong kamay mo, &#x27;yong isip mo. Hindi hadlang &#x27;yon,&#x27;&quot; dagdag ni Virgie.Matapos maputol ang paa, minabuti ni Virgie na magtrabaho sa Cyprus bilang domestic helper.Nanaig naman ang pagiging padre de pamilya si Christopher at umisip ng paraan para matulungan ang asawa.Taong 2015 nang itatag ni Christopher ang &quot;Gotong Gala.&quot;Nang lumakas ang kita ng goto, pinauwi na ni Christopher si Virgie.Dahil din sa negosyong goto, nakabili si Christopher ng mas maayos na motor na ginagamit niya sa paglalako, napagawa at napaayos niya ang kanilang bahay, at napagtos nila ang panganay na anak.

Ang "Gotong Gala" ay bunga ng pagsisikap ni Christopher Porwelos, na hindi nagpatinag sa kaniyang kapansanan para makatulong sa pagtaguyod ng kaniyang pamilya.

Ang "Gotong Gala" ay bunga ng pagsisikap ni Christopher Porwelos, na hindi nagpatinag sa kaniyang kapansanan para makatulong sa pagtaguyod ng kaniyang pamilya.