Push Admin

Krav Maga bilang self-defense laban sa mga masasamang-loob

Article (news)

ABS-CBN News

Nagkalat ang masasamang-loob na handang gumamit ng dahas para manamantala ng iba.Sakaling maharap sa mga situwasyong gaya ng holdap, panggagahasa o pagdukot, paano maipagtatanggol ng isang tao ang kaniyang sarili?<figure class="op-interactive"><iframe height="315" src="https://www.youtube.com/embed/NcJDhh8DAR0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div>Tinalakay sa programang &quot;Sakto&quot; ng DZMM ang Krav Maga, na umano ay pinakamainam na fighting system na maaaring magamit ng tao laban sa masasamang-loob.&quot;Ito &#x27;yong talagang ginawa siya para sa mga realistic situation at saka sa lahat ng klase ng threats at attacks,&quot; ani Dindo de Jesus, regional director ng International Krav Maga Federation sa Asya.Madali umanong matutunan ang Krav Maga dahil hindi gaya ng ibang martial arts, wala itong gaanong porma o hindi masyadong pinapahalagahan ang technique.&quot;&#x27;Yong nilalagay namin sa student, mindset nila na gamitin na nila lahat, gawin na nila lahat, of course may mga situation na may mga technique, para mag-survive,&quot; ani De Jesus.Pangunahing itinuturo umano sa Krav Maga ay ang pag-atake sa mga &quot;vulnerable&quot; o mahinang bahagi ng katawan gaya ng groin o singit, mata, lalamunan, tuhod, likod ng batok, at gulugod.Kapag nangyakap, halimbawa, ang isang assailant o masamang-loob, puwede itong sundutin sa mata, na magiging dahilan para bumitiw ito sa yakap, ani De Jesus.Kapag bumitiw na umano ang assailant ay puwede na itong i-groin kick o bayagan.Sakali namang panggagahasa ang situwasyon, ipinayo ni De Jesus ang pagsuntok sa lalamunan ng assailant.Dahil pokus ng Krav Maga ang pag-target sa mga mahinang bahagi ng katawan, hindi gaanong kailangan ng pagsasanay rito.Iginiit din ni De Jesus na hindi sa lahat ng pagkakataon ay dapat makipag-away sa isang masamang-loob.&quot;Kung may chance kang tumakbo or napag-usapan niyong ayaw mong makipag-away o kung hinoholdap ka lang, bigay mo na lang,&quot; ani De Jesus.Gamitin lang ang Krav Maga sa mga situwasyong kailangan talagang lumaban gaya ng home invasion, kidnapping o pagdukot, at panggagahasa, sabi ni De Jesus.Bukod sa pisikal na pakikipag-away, puwede rin umanong protektahan ang sarili gamit ang objects.Halimbawa, ayon kay De Jesus, ay may taong naga-amok at may dalang patalim, puwedeng gumamit ng bag bilang panangga.

Ang Krav Maga umano ang pinakamainam na fighting system na maaaring magamit ng tao laban sa masasamang-loob.

Ang Krav Maga umano ang pinakamainam na fighting system na maaaring magamit ng tao laban sa masasamang-loob.