Push Admin

Boy Scout sa Bicol, wagi ng World Messengers of Peace Hero Award

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="https://sa.kapamilya.com/absnews/abscbnnews/media/2021/sports/12/10/jubille-1.jpg" src="https://sa.kapamilya.com/absnews/abscbnnews/media/2021/sports/12/10/jubille-1.jpg"/></figure></div><p>MANILA -- Isang 21-anyos na boy scout mula sa Albay ang nakatanggap ng World Messengers of Peace Heroes Award. </p><p>Isa si Jubille Marlourd Lucena ng Tiwi, Albay sa 25 scout sa buong mundo na kinilala ng World Scout Bureau para sa kanyang natatanging kontribusyon sa kanyang komunidad. </p><p>Nang mag-umpisa ang pandemya, sinimulan ni Lucena sa Barangay Coro-coro ang Barangay Scouting Program, na naglalayong bigyan ng mas magandang kalidad ng buhay ang mga mga batang may edad 13 hanggang 17.</p><p>“Nakita ko kasi isang araw habang naglalakad ako sa Barangay Coro-coro na 20 years na akong naninirahan doon na ganun pa rin ang buhay, na umiikot sa isang cycle, sa kahirapan, sa walang pakialam kung anong mangyayari sa kanyang lipunan,&quot; kuwento ni Lucena.</p><p>&quot;At sabi ko hindi ito maaring magpatuloy, kawawa yung kabataan. Kung ano ang cycle ng magulang na hindi nakapagtapos ng pag-aaral, kung ano ang cyle ng kahirapan ng pamilya, hanggang doon na lang sila dahil walang bagong perspektibo na naibibigay sa kanila.&quot;</p><p>Dahil dito, naisip ni Lucena na ibahagi sa mga bata ang mga bagay na natutunan niya sa pagiging Boy Scout. </p><p>&quot;Walang ibang paraan ngayong pandemya para ma-enrich yung buhay nila, para mapukaw yung loob nila kundi thru scouting.&quot;</p><p>&quot;Dahil ang scouting ay isang non-formal education na naglalayon na ma-educate ang mga kabataan kahit sa labas ng paaralan,&quot; aniya.</p><p>Sa kanyang programa, parehong isinali ni Lucena ang mga academic achievers o ang mga pumapasok sa eskwela at ang mga out-of-school youth, partikular na ang mga biktima ng child labor at dysfunctional na pamilya. </p><div class="media-content"><div class="slider-for"><div><img src="https://sa.kapamilya.com/absnews/abscbnnews/media/2021/sports/12/10/jubille-2.jpg"/></div><div><img src="https://sa.kapamilya.com/absnews/abscbnnews/media/2021/sports/12/10/jubille-3.jpg"/></div><div><img src="https://sa.kapamilya.com/absnews/abscbnnews/media/2021/sports/12/10/jubille-5.jpg"/></div><div><img src="https://sa.kapamilya.com/absnews/abscbnnews/media/2021/sports/12/10/jubille-7.jpg"/></div></div></div><p>Ito ay para daw sabay-sabay na umangat ang mga kasali sa programa.</p><p>Hindi nabigo si Lucena sa kanyang layunin--aniya, maganda daw ang naging resulta ng istratehiyang ito dahil ngayon ay determinado ang mga out-of-school youth na makapagtapos ng pag-aaral.</p><p>Kabilang sa mga itinuturo sa mga kasali sa programa ay ang ropework, survival cooking, safety, basic bandaging skills, physical fitness, citizenship, first aid, navigation at life saving. </p><p>Ang proyekto ni Lucena ang siya na ngayong pinakaunang barangay-based scouting program sa lalawigan ng Albay. </p><p>Sa ngayon, ang 40 kabataan na kasali sa programa ay siya na ring magtuturo sa kabataan sa isa pang barangay sa Tiwi na magbubukas din ng barangay scouting program.</p><p>Ang Messengers of Peace Heroes Award ay itinatag noong 2012 upang kilalanin ang mga pambihirang Scout at parangalan sa kanilang pambihirang serbisyo at kontribusyon sa pag-unlad ng komunidad sa oras ng pangangailangan.</p><div><strong>--ulat ni Aireen Perol-Jaymalin</strong></div>

Isang 21-anyos na boy scout mula sa Albay ang nakatanggap ng World Messengers of Peace Heroes Award. 