Push Admin

ALAMIN: Kahulugan ng bawat regalo sa '12 Days of Christmas'

Article (news)

ABS-CBN News

Isa sa mga Pamaskong tugtugin na talaga namang paulit-ulit na naririnig sa mga Christmas playlist ang &quot;The 12 Days of Christmas&quot;. Laman ng lyrics ng awitin ang mga natatanging regalong handog ng &quot;true love&quot; sa loob ng 12 araw.Pero ang hindi batid ng nakararami, may mas malalim na koneksiyon sa pananampalataya ng mga Katoliko ang sikat na Christmas song.Ayon sa website ng Catholic News Agency, isinulat ang kanta noong panahong hindi maaaring ilantad ng Roman Catholics sa England ang kanilang pananampalataya.Saklaw nito ang panahon mula 16th century hanggang 19th century.Sumisimbolo pala ang bawat regalong nabanggit sa &quot;The 12 Days of Christmas&quot; sa mga biyayang ipinagkaloob ng Maykapal.Si Hesukristo rin ang tinutukoy na &quot;true love&quot; sa kanta dahil isinilang ang tunay na nagmamahal sa sangkatauhan noong araw ng Pasko.<div>SIMBOLISMO:</div>Sa unang araw ng Pasko: &quot;My true love sent to me / A partridge in a pear tree&quot;Kumakatawan ang partridge o ang ibon kay Hesus na handang isakripisyo ang sarili para protektahan ang kaniyang mga anak.Sa ikalawang araw ng Pasko: &quot;My true love sent to me / Two turtle doves…&quot;Sumisimbolo sa Old at New Testaments o ang Luma at Bagong Tipan ng Bibliya ang &quot;two turtle doves.&quot;Sa ikatlong araw ng Pasko: &quot;My true love sent to me / Three French hens…&quot;Kinakatawan ng &quot;three French hens&quot; ang faith, hope, at love o pananalig, pag-asa, at pagmamahal ng mga deboto.Sa ikaapat na araw ng Pasko: &quot;My true love sent to me / Four calling birds…&quot;Tungkol sa gospels o ebanghelyo nina Matthew, Mark, Luke, at John ang &quot;four calling birds.&quot;Sa ikalimang araw ng Pasko: &quot;My true love sent to me / Five golden rings…&quot;Sumisimbolo ang &quot;five golden rings&quot; sa unang limang libro ng Lumang Tipan na naglalarawan sa pagkakasala ng unang tao at ang labis na pagmamahal ng Panginoon kaya nagpadala siya ng Tagapagligtas.Sa ikaanim na araw ng Pasko: &quot;My true love sent to me / Six geese a-laying…&quot;Kinakatawan ng &quot;six geese&quot; ang anim na araw ng paglikha ng Panginoon.Sa ikapitong araw ng Pasko: &quot;My true love sent to me / Seven swans a swimming…&quot;Tungkol naman sa pitong handog ng Espiritu Santo ang &quot;seven swans&quot;-- prophesy, serving, teaching, exhortation, contribution, leadership, at mercy.Sa ikawalong araw ng Pasko: &quot;My true love sent to me / Eight maids a-milking…&quot;Kumakatawan sa walong beatitudes ang &quot;eight maids&quot; sa kanta. • Mapapalad ang mga mapagpakumbabang-loob: sapagka&#x27;t kanila ang kaharian ng langit.• Mapapalad ang nangahahapis: sapagka&#x27;t sila&#x27;y aaliwin.• Mapapalad ang maaamo: sapagka&#x27;t mamanahin nila ang lupa.• Mapapalad ang nangagugutom at nangauuhaw sa katuwiran: sapagka&#x27;t sila&#x27;y bubusugin.• Mapapalad ang mga mahabagin: sapagka&#x27;t sila&#x27;y kahahabagan.• Mapapalad ang mga may malinis na puso: sapagka&#x27;t makikita nila ang Diyos.• Mapapalad ang mga mapagpayapa: sapagka&#x27;t sila&#x27;y tatawaging mga anak ng Diyos.• Mapapalad ang mga pinag-uusig dahil sa katuwiran: sapagka&#x27;t kanila ang kaharian ng langit.Sa ikasiyam na araw ng Pasko: &quot;My true love sent to me / Nine ladies dancing…&quot;Tungkol sa siyam na fruits o bunga ng Espiritu Santo ang &quot;nine ladies dancing&quot;— charity, joy, peace, patience, goodness, mildness, fidelity, modesty, at chastity.Sa ika-10 araw ng Pasko: &quot;My true love sent to me / Ten lords a-leaping…&quot;Sumisimbolo sa 10 Utos ng Panginoon ang “ten lords” sa kanta.Sa ika-11 araw ng Pasko: &quot;My true love sent to me / Eleven pipers piping…&quot;Kumakatawan ang &quot;eleven pipers&quot; sa 11 matapat na apostol ni HesuKristo.Sa ika-12 araw ng Pasko: &quot;My true love sent to me / Twelve drummers drumming…&quot;Tungkol sa 12 punto ng paniniwalang nakalatag sa &quot;Apostle’s Creed&quot; ang &quot;twelve drummers.&quot;Bagama&#x27;t madalas natatapos nang Disyembre 25 ang mga kasiyahan, ang tunay na 12 araw ng Pasko ay nagsisimula sa Disyembre 25 at nagtatapos sa Enero 5, bago ang Epiphany, o Pista ng Tatlong Hari.

Isa sa mga sikat na Pamaskong tugtugin ang 'The 12 Days of Christmas'. Pero may mas malalim na koneksiyon pala ito sa pananampalataya ng mga Katoliko.

Isa sa mga sikat na Pamaskong tugtugin ang 'The 12 Days of Christmas'. Pero may mas malalim na koneksiyon pala ito sa pananampalataya ng mga Katoliko.