Push Admin

Creator ng 'lava walk' ni Catriona, ikinagulat ang pag-viral ng kaniyang rampa

Article (news)

ABS-CBN News

Hindi makapaniwala si Carlos Buendia, Jr. na isa nang worldwide craze ang nilikha niyang lava walk para kay Miss Universe 2018 Catriona Gray. Shocked si Buendia na trending at na-feature sa iba&#x27;t ibang bansa ang lava walk na may slow-mo twirl na para lang sana kay Gray.Isang architect at dating artistic director sa University of Sto. Tomas si Buendia, na kaibigan ni Gray noon pang 2014.&quot;Wala po kaming ine-expect kung hanggang saan aabot &#x27;yon, dagdag blessing ngayon na ang Miss Universe official [page] nag-lava walk challenge pa... sa Instagram nila with 3 million followers,&quot; ani Buendia. Ibinunyag din ni Buendia na na-guilty siya sa hirap ni Gray sa mga ensayo sa pagrampa, na kadalasan ay tumatagal nang tatlong oras. May iniinda mang <a href="https://news.abs-cbn.com/life/12/18/18/catriona-gray-struggled-with-slow-mo-twirl-because-of-scoliosis">scoliosis</a>, nagpursige pa rin si Gray makuha lang ang korona.&quot;Diyos ko, kung alam niyo lang. Na-realize ko nilalagnat na pala, nahiya ako. Sabi ko bakit di mo sinabi sa akin. Sabi niya: I want to win. I will do everything,&quot; kuwento ni Buendia. Para naman kay Buendia, walang kapalit na presyo ang kaniyang serbisyo para kay Gray. &quot;Gawin lang niya lahat ng pinangako niya na tutulong siya sa mga bata ng Tondo,&quot; giit ni Buendia.Bukod sa mga netizens, ginagaya na rin ng mga celeb ang lava walk ni Miss Universe, kabilang na dito sina Shamcey Supsup, Maymay Entrata, Jessy Mendiola, Vice Ganda at Anne Curtis.<div>—Ulat ni Mario Dumaual, ABS-CBN News</div>

Hindi makapaniwala si Carlos Buendia, Jr. na isa nang worldwide craze ang nilikha niyang lava walk para kay Miss Universe 2018 Catriona Gray.

Hindi makapaniwala si Carlos Buendia, Jr. na isa nang worldwide craze ang nilikha niyang lava walk para kay Miss Universe 2018 Catriona Gray.