Push Admin

ALAMIN: Mga malas, masuwerteng direksiyon para sa 2020

Article (news)

ABS-CBN News

<p>Handa na ba ang iyong bahay o opisina sa Year of Metal Rat?</p><p>Pagdating kasi sa feng shui, o iyong tradisyon mula China, maaaring makaakit ng suwerte ang isang tao depende sa pagkakaayos ng kaniyang bahay o opisina.</p><p>Ibinahagi ng feng shui expert na si Hanz Cua ang mga masuwerte at malas na direksiyon para sa 2020.</p><div><strong>MALAS</strong></div><div><strong>• EAST</strong></div><p>Ayon kay Cua, ang pinakamalas na direksiyon ay nasa east sector, kung saan niya matatagpuan ang &quot;five yellow misfortune star.&quot;</p><p>Dala aniya ng naturang star ang mga problema sa karera, buhay may-asawa o pag-ibig, kalusugan, at negosyo.</p><p>&quot;Problems sa career, career loss, loss in marriage or love, health [and] illness that would cause death. Possible also ang conflict, problem or bloodshed. Sa business, puwedeng ma-bankrupt,&quot; aniya.</p><p>Ipinayo ni Cua na huwag gamitin ang east sector. Maaari lamang daw itong gamitin bilang storage.</p><p>Puwede ring lagyan ang east sector ng bahay o opisina ng latang may laman na 5 pirasong bato.</p><p>&quot;Mga batong napupulot sa kalsada, any kind of stones, lalagay mo sa loob ng lata,&quot; paliwanag niya.</p><div><strong>• SOUTH</strong></div><p>Para sa susunod na taon, matatagpuan naman sa south sector ang illness star.</p><p>Maaari umanong magdulot ang illness star ng kamalasan sa kalusugan gaya ng miscarriage o makunan ang buntis, paghina ng resistensiya, at pati aksidente.</p><p>Kapag sakitin, ipinayo ni Cua na huwag ilagay ang headboard ng kama sa south direction.</p><p>Bilang pangontra sa malas, puwede raw maglagay ng isang basong asin sa south direction, na papalitan kada buwan.</p><div><strong>• CENTER</strong></div><p>Sa gitnang bahagi naman ng bahay o opisina mahahanap ang violent star na may kinalaman sa &quot;theft, robbery, cheating or betrayal,&quot; ayon kay Cua.</p><p>&quot;Iwasan natin magkaroon ng activities o maingay sa gitna ng bahay natin,&quot; anang eksperto.</p><p>Puwede umanong maglagay ng kulay blue na gamit gaya ng rug o mat, o isang basong tubig para makontra ang violent star.</p><div><strong>• NORTH</strong></div><p>Malas din sa susunod na taon ang north direction, na maaaring magdulot ng quarrel o pag-aaway sa pagitan ng mga tao, ani Cua.</p><p>Bilang pangontra, puwedeng lagyan ang north sector ng mga pulang gamit gaya ng mat at bright light.</p><div><strong>SUWERTE</strong></div><div><strong>• SOUTHEAST</strong></div><p>Isa sa mga masuwerteng direksiyon sa 2020 ang southeast dahil naroon umano ang heaven&#x27;s blessing star.</p><p>&quot;Gusto mo ba manalo ng lotto? Gusto mong gumanda ang business? Blessing sa career o blessing sa heaven, ito ay located sa southeast sector,&quot; ani Cua.</p><p>Ipinayo rin ni Cua ang pagdasal nang nakaharap sa southeast sector.</p><div><strong>• SOUTHWEST</strong></div><p>Sa mga naghahanap ng suwerte sa pag-ibig, mahahanap ito sa southwest sector, ayon kay Cua.</p><p>Mainam umanong kapag nakikipag-date ay humarap sa southwest.</p><p>Makatutulong din ang southwest para ayusin ang mga problema sa relasyon.</p><p>Bukod sa pag-ibig, nasa southwest din, ani Cua, ang star na nagbibigay ng suwerte sa pag-aaral at sa mga pagsusulit.</p><div><strong>• WEST</strong></div><p>Sa west naman mahahanap ang star na nagbibigay ng &quot;long-term&quot; o pangmatagalang suwerte.</p><p>Puwedeng maglagay ng &quot;music activity&quot; o mga bakal na gamit sa west direction para lumakas ang pag-akit sa suwerte.</p><div><strong>• NORTHEAST</strong></div><p>Sa northeast direction naman matatagpuan ang victory o success star.</p><p>Ipinayo ni Cua ang paglalagay ng &quot;fire colors&quot; gaya ng red, yellow, at orange para palakasin ang pag-akit ng suwerte sa northeast.</p>