Push Admin

Regalo ng 2022: Guro natagpuan ang ama, mga kapatid matapos ang 29 taon

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="https://sa.kapamilya.com/absnews/abscbnnews/media/2022/news/12/31/12312022-regalo-ng-2022.jpg" src="https://sa.kapamilya.com/absnews/abscbnnews/media/2022/news/12/31/12312022-regalo-ng-2022.jpg"/></figure></div><p>MAYNILA — Naging matagumpay ang paghahanap ni Bayan Patroller Regie Del Rosario Campano sa kanyang ama matapos ang 29 na taon.</p><div><script src="https://connect.facebook.net/en_US/sdk.js#xfbml=1&amp;version=v2.5" async="" type="text/javascript"></script></div><div class="fb-post" data-href="https://www.facebook.com/100001444208044/videos/537456655103081/" data-width="auto"> </div><p>Sa proseso ng kanyang paghahanap ay nalaman niyang 13 pala silang magkakapatid galing sa anim na kinasama ng kanyang ama na si Romeo Datario, 76. </p><p>Masayang ikinwento ni Del Rosario na bago magtapos ang 2022 ay nakatagpo na din niya ang kanyang mga kapatid sa ama. </p><p>Kwento niya, kapapanganak pa lang niya ay iniwan na siya ng kanyang papa sa mama niya sa Bgy. Dodan, Aparri, Cagayan. </p><p>Nag-asawa din ng iba ang kanyang nanay kaya sabi niya ay naiwan siya sa kalinga ng kanyang lolo at lola. </p><p>Grade 4 na siya nang bawiin ng kanyang ina mula sa kanyang lolo at lola.</p><p>Ayon kay Del Rosario, naging masaya naman ang kanyang kabataan at nakapagtapos naman siya sa pag-aaral ngunit ramdam niya na may kulang sa kanyang pagkatao dahil sa pangungulila sa ama. </p><p>Makikita sa kanyang timeline sa Facebook na taong 2014 ay nagsimula na siyang mag-post tungkol sa kanyang paghahanap sa kanyang papa. </p><p>Minsan ay nagpadala siya ng mga mensahe sa mga inaakala niyang kamag-anak. </p><p>Bago ang kanyang graduation noong April 2015 ay nag-post din siya tungkol sa kanyang papa hanggang noong 2020 ay may isang Marvin Detario (Genesis St. Claire sa Facebook) na nakabasa ng kanyang mga posts at kinontak siya sa Messenger. </p><p>Natunton ni Del Rosario na si Marvin ay anak ng kanyang papa sa ika-apat na kinasama nito. </p><p>Ayon kay Regie, si Marvin ang nagdugtong sa kanya, sa papa nila at iba pang mga kapatid. </p><p>Taong 2020 ay nagkausap na din sila ng kanyang papa sa pamamagitan ng video call ngunit dahil sa COVID-19 protocol restrictions ay noong December 29, 2022 pa sila nagkatagpo. </p><p>Kwento niya, nagbyahe siya mula Aparri hanggang matagpuan ang kinaroroonan ng kanyang ama sa San Francisco, Quezon at sa kanyang pag-iikot ay dito na din niya personal na nakilala ang kanyang mga kapatid.</p><p>Sa kasalukuyan ay mag-isa nang namumuhay ang kanyang papa sa bukid.</p><p>Aniya, naaawa siya sa kalagayan ng kanyang papa dahil walang linya ng kuryente sa bukid. </p><p>Ang susunod niyang proyekto ay kunin at alagaan ang kanyang ama at dalhin sa kanyang lugar sa Aparri. </p>

Kwento niya, nagbyahe siya mula Aparri hanggang matagpuan ang kinaroroonan ng kanyang ama sa San Francisco, Quezon.