Patrol ng Pilipino: Pagsalin ng sign language interpreters sa balita ng ‘TV Patrol’, silipin

Watch more News on iWantTFC

MAYNILA – Hindi kumpleto ang gabi-gabing pag-ere ng ‘TV Patrol’ na wala sila.

Sila ang mga sign language interpreter na mapapanood sa ibabang bahagi ng screen kasabay ng mga balitang ibinabahagi ng ABS-CBN News anchors at reporters.

Isa sa mga Filipino sign language interpreter ng ‘TV Patrol’ si Febe Sevilla na dating guro ng deaf community.

Para kay Sevilla, naging malaking tulong sa komunidad ang pagpasa ng Republic Act No. 11106 na nagtatakda sa Filipino Sign Language na pambansang sign language.

Minandato din nito ang pagsalin sa sign language ng balitaan sa telebisyon.

Ani Sevilla, naging pagkakataon ang COVID-19 pandemic para maisakatuparan ito at maintindihan ng mga Pinoy deaf ang nangyayari sa lipunan.

Tumulong din ang teknolohiya gaya ng videoconferencing para mapadali naman sa interpreters na makabahagi sa newscasts.

Sa ganitong paraan, mas naipapakita ng media industries ang pagiging inklusibo sa iba’t ibang miyembro ng lipunan ng bansa, sabi ni Mariah Agbay, pangulo ng Philippine Federation of the Deaf.

Ginugunita ang International Day of Sign Languages tuwing Setyembre 23.

– Ulat ni Ganiel Krishnan, Patrol ng Pilipino

• ‘Deaf beauty’ teaches sign language with mom on TikTok to promote inclusivity
• Interpreters seek awareness after online ‘mockery’ of sign language insets
• KWF lumagda sa kasunduan para sa pagbuo ng Filipino Sign Language unit
• WATCH: In viral video, 4-year-old teaches alphabet, counting in sign language