Push Admin

ALAMIN: Mga dahilan ng paglabo ng paningin ng mga bata

Article (news)

ABS-CBN News

MANILA - Parami na ng parami ang mga batang maagang nakakaranas ng paglabo ng mata, na madalas ay sanhi ng kanilang mga kinasanayang gawain.Sa programang “Magandang Gabi Dok,&quot; ipinaliwanag nina Dr. Norman Fajardo, isang pediatric ophthalmologist, at ni Dr. Gualberto Dato, isang pediatric optometrist, ang iba&#x27;t ibang sanhi ng panlalabo ng mata ng mga bata.Ayon kay Fajardo, karaniwan sa mga bata ang maging farsighted, lalo na&#x27;t patuloy pa ang pagbabago ng kanilang paningin habang sila ay lumalaki.Dagdag ni Dato, may mga pagkakataon na hindi kailangang magsuot ng salamin ng isang batang farsighted.&quot;May mga kasong pwedeng hindi salaminan. Ito &#x27;yung &#x27;pag farsighted &#x27;yung bata kasi expected natin kapag maliit pa &#x27;yung bata, maiksi pa &#x27;yung kanilang mata. So expected na meron silang certain degree ng farsightedness. So hindi lahat ng farsightedness, kino-correct sa bata. Anything in excess doon sa normal para sa partikular na edad,&quot; ani Dato.May epekto rin ang paggamit ng mga gadgets sa pagbabago ng paningin ng mga bata.&quot;Ang nangyayari kasi, &#x27;yung muscles na responsible for focusing na nasa loob ng mata, minsan hindi na siya totally nagrerelax kapag nakatingin sa malayo. Parang nasanay na siya na ganun ang status. Kumbaga sa camera, naka-zoom in parati,&quot; ani Dato.Upang malaman kung dapat patingnan sa isang optometrist ang iyong anak, may mga ilang paalala si Dato.&quot;&#x27;Yung sa grado, kadalasan nililiitan nila &#x27;yung mata, nagsu-squint, or minsan, lumalapit sa TV habang nanonood. &#x27;Yung iba naman, nagsa-side view,&quot; aniya.Maaring maayos ang paningin ng isang bata sa pamamagitan ng mga ehersisyo, katulad ng paglalagay ng patch sa isang mata para lumakas ang mas mahinang mata.&quot;Pinapatch mo &#x27;yung good eye, para maging malakas &#x27;yung bad eye, at mapansin ng brain &#x27;yung bad eye,&quot; ani Fajardo.Bukod sa epekto nito sa pagkatuto ng isang bata, dagdag ni Fajardo na may mga pag-aaral na nagsasabing may epekto di umano sa paningin ng bata ang paglalaro sa labas ng bahay.&quot;May mga studies na nagsasabing outdoor activities may help slow down nearsightedness because of dopamine,&quot; dagdag niya.Payo rin ng dalawang doktor, iwasan ang pagpapalaro at pagpapagamit ng gadgets sa mga batang mas bata sa dalawang taon dahil sa epekto nito sa paningin ng mga bata.

Parami na ng parami ang mga batang maagang nakakaranas ng paglabo ng mata, na madalas ay sanhi ng kanilang mga kinasanayang gawain.