Push Admin

Peacock costume gawa sa recycled materials, wagi sa contest sa Tarlac

Article (news)

ABS-CBN News

Kinagiliwan ng netizens ang peacock costume na gawa sa recycled materials at dinisenyo ni Bayan Patroller Ernesto Saraos Jr. mula sa Moncada, Tarlac.Makikita sa TikTok video na suot ng Grade 6 student na si Aryana Catayna ang nasabing costume para sa isang eco-friendly fashion show para sa science fair na ginanap noong Setyembre 2024.Ani Bayan Patroller Ernesto, tatlong araw niyang ginawa ang peacock costume na ito at ginamit ang ilang naitabing disposable spoons, paper plate, eco bag, tansan, straw at likod ng sachet ng kape.Ginamit ang mga ito sa katatapos lamang na kaarawan ni Aryana at naitabing tansan ni Bayan Patroller Ernesto.Mga hayop ang konsepto ni Bayan Patroller Ernesto sa bawat costume na ginagawan niya dahil aniya, bago ito sa paningin ng mga hurado.“Hindi po in-expect ng mama niya siya po ‘yung mananalo. Ang dami po nilang estudyante sa school nilang naka-costume tapos siya po ‘yung nanalo ng best in recycled costume sa lahat,” saad ni Bayan Patroller Ernesto.Hobby talaga ni Ernesto ang paglikha ng iba’t ibang disenyo ng costume mula noong high school pa siya.Samantala, malaki ang tiwala ni Alma Tolentino, ina ng batang nagsuot ng gawa ni Ernesto, dahil matagal na siyang nagpapagawa ng costumes dito.“Alam ko po na ang lahat ng kanyang disenyo at quality ng kanyang paggawa ay talagang nagugustuhan ng mga tao, at agaw-pansin sa mga tao pagdating sa mga pa-surprise niya,” ani Tolentino.Masaya at proud din siya para sa karangalan na naiuwi ng kaniyang anak.Mensahe niya na bilang magulang patuloy lamang na umalalay at sumuporta sa mga pangarap ng anak.Umani naman ng lagpas 1.1 million views at 113,200 likes ang naturang TikTok video.—Ulat niChalssea Kate Echegoyen (BMPM Intern)

Kinagiliwan ng netizens ang peacock costume na gawa sa recycled materials at dinisenyo ni Bayan Patroller Ernesto Saraos Jr. mula sa Moncada, Tarlac.

Kinagiliwan ng netizens ang peacock costume na gawa sa recycled materials at dinisenyo ni Bayan Patroller Ernesto Saraos Jr. mula sa Moncada, Tarlac.