Push Admin

'Tao Po': Kakulangan sa edukasyon ng mag-asawa hindi naging hadlang para mapagtapos ang mga anak

Hindi naging hadlang para sa mag-asawang Norie at Lyn Dela Cruz ang kanilang kakulangan sa edukasyon para mapagtapos ang kanilang mga anak.

Article (news)

ABS-CBN News

Hindi naging hadlang para sa mag-asawang Norie at Lyn Dela Cruz ang kanilang kakulangan sa edukasyon para mapagtapos ang kanilang mga anak.Nag-viral kamakailan ang kanilang family picture kung saan makikita ang kanilang limang anak na naka-uniporme pang-professional habang nakaakbay sa kanila na nakasuot pang-saka at pang-tindera.Hirap ang nakagisnang buhay ng mag-asawa na parehong mula sa hikahos na pamilya.Gustong maging sekretarya ni Nanay Lyn, pero wala raw kakayanan ang magulang niya na paaralin siya. Ganito rin ang kapalaran ni Tatay Norie na nangarap naman maging isang abogado.Sa kanilang pagbuo ng pamilya, ipinangako ng mag-asawa sa isa’t isa na gagawin ang lahat para baguhin ang kapalaran ng kanilang mga anak.Si Tatay Norie, nagawa pang mangibang-bansa at mag trabaho bilang OFW para matustusan ang pag-aaral ng mga anak.Ngayong napagtapos na ang mga anak, proud na naka-display sa kanilang sala ang mga graduation pictures nito simbolo ng kanilang pagsusumikap at tagumpay bilang magulang.Nagtapos at nakasampa ng barko ang kanilang panganay na si Adrian. Negosyo naman ang pinagkakaabalahan ng pangalawang anak na si Norielyn.Ang pangatlong anak na si Aprilyn, nakapagtapos ng psychology at kasalukuyang kumukuha ng medisina.Ang pang-apat na anak ay nakapag aral naman ng civil engineering habang ang bunsong si Ashley ay graduating na rin. <div>- Ulat ni Bernadette Sembrano para sa programang Tao Po. (June 30, 2024)</div>Mapapanood ang mga episode ng Tao Po <a href="https://www.youtube.com/playlist?list=PLgyY1WylJUmgJfSjdftIdc0f8ZzOjCOec" id="isPasted">dito</a>.

Hndi naging hadlang para sa mag-asawang Norie at Lyn Dela Cruz ang kanilang kakulangan sa edukasyon para mapagtapos ang kanilang mga anak.

Hndi naging hadlang para sa mag-asawang Norie at Lyn Dela Cruz ang kanilang kakulangan sa edukasyon para mapagtapos ang kanilang mga anak.