Nelson Morales

Babala ng CBCP: 'Trick or treat' ay work of the devil

Children in costumes parade on the eve of All Saints’ Day in Moriones, Tondo, October 31, 2019. George Calvelo, ABS-CBN News

Article (news)

David Dizon

ABS-CBN News

Mahilig ka ba sa Halloween-themed activities tulad ng “trick or treat” o kaya’y manood ng mga nakakatakot na palabas tuwing Undas?Babala ni Fr. Jerome Secillano, executive secretary ng Catholic Bishops Conference of the Philippines Commission on Public Affairs, ang “trick or treat” ay may kaugnayan sa okultismo at hindi dapat tinatangkilik dahil ito ay gawa ng mga demonyo.“‘Yung mga sinasabi nating Halloween trick or treat ay may occult ‘yan eh. It’s all about the work of the devil. Parang ano ‘to, ini-encourage pa natin? Huwag naman sana,” aniya sa panayam sa DZMM.Dagdag niya, ang pagsuot ng nakakatakot na damit o kaya&#x27;y takutan tuwing Undas ay hindi nanggaling sa Pilipinas kundi ginaya na lamang sa mga tradisyon sa Amerika at Europa.“Basically ‘yung takutan hindi naman talaga ‘yan nag-originate sa Pilipinas. In-adopt na lang ng Pilipinas na nanggaling sa Amerika, nanggaling sa Europa, ‘yung tinatawag nilang All Hallow’s Eve atsaka ‘yung Halloween naging festivities na nga ‘yun kaya in-adopt ng mga Pilipino pero ganunpaman, gusto nating ipabatid sa ating mga kababayan natin na ang All Saints Day ay paggunita ‘yan sa mga santo…At ang All Souls Day naman ay para sa lahat ng mga yumao.”Natutuwa naman ang CBCP official na imbes na hitsura ng halimaw, multo o demonyo, pinagsusuot na ng damit santo ang mga kabataan sa ibang parokya tuwing Undas. Aniya, ang pagsuot ng damit ng santo ay isa ring paraan upang ipakita ang paniniwala at debosyon sa mga santo.Para kay Secillano, hindi nawawala ang diwa nang Undas sa Pilipinas dahil malakas pa rin ang ugnayan ng mga pamilyang Pilipino at pinagdarasal ang mga yumao sa Araw ng mga Kaluluwa.“Very close knit [ang pamilyang Pilipino] kaya ‘yung pagmamahal nila kahit yumao na ay hindi pa rin naman nawawala…Nandoon pa rin ‘yung pinagdadasal, ‘yung iba umuuwi pa ng probinsya para makadalaw sa puntod at nag-aalay pa ng bulaklak. So ‘yung diwa na ‘yun, hindi naman nawawala,” aniya.Ayon sa pari, ang pagdarasal sa Araw ng Mga Kaluluwa ay para makakuha ng indulgence na nakakabawas sa parusa na dapat matanggap ng yumao. Aniya, ang pagdarasal sa yumao sa simbahan o puntod ay hindi para sa sarili “but for the sake of those who have passed on to the next life.”“Ang ruling ng simbahan physically dapat nandun ka pero hindi naman natin tinatawaran ‘yung tinatawag na mercy and compassion and the justice of God…Sa kakulangan natin, hayaan natin na ang Diyos na ang pumuno.”

Mahilig ka ba sa Halloween-themed activities tulad ng “trick or treat” o kaya’y manood ng mga nakakatakot na palabas tuwing Undas?

Mahilig ka ba sa Halloween-themed activities tulad ng “trick or treat” o kaya’y manood ng mga nakakatakot na palabas tuwing Undas?